نیزگاری ، ناجوڑی ، ماحولیاتی بدلی، ایٹمی تالانی ، دہشت گردی و زور اٹ کشنگ نا ویل آتون مون تننگ کن جہانی کمک المی ءِ، وزیراعظم شاہد خاقان عباسی

اقوام متحدہ(پاکستان نیوزپوائنٹ22ستمبر2017ء) اقوام متحدہ نا جنرل اسمبلی آن تران کرسا وزیراعظم شاہد خاقان عباسی پارے کہ نیزگاری ، ناجوڑی ، ماحولیاتی بدلی، ایٹمی تالانی ، دہشت گردی زور اٹ کشنگ نا ویل آتون مون تننگ کن جہانی کمک المی ءِ۔ وزیراعظم پارے کہ پاکستان اقوام متحدہ نا سیکرٹری جنرل نا کنڈآن امن ، سلامتی ، شونداری و بست و بند اٹی اقوام متحدہ نا اہلیت ءِ سوگوی تننگ نا کوشست نا خیرمقدم ءِ کیک۔ اوپارے کہ نن ہمو اصلاحات آتے کن ہم پرعزم اُن ہرافتا کمک اٹ سلامتی کونسل ءِ زیات نمائندگی نا حامل، جمہوری و جوابدہ جوڑ کننگ مرے ناکہ دا بیرہ واک ملک آتا کلب اس جوڑ مرسا سلپ۔