اسلام آباد(پاکستان نیوز پوائنٹ 24اگست 2016ء) الیکشن کمیشن قومی اسمبلی نا حلقہ این اے 63اٹی ضمنی گچین کاری کن ضابطہ اخلاق جاری کرینے۔ الیکشن کمیشن نا ذرائع نا رداٹ این اے 63 اٹی آزادانہ گچین کاری تے باوری جوڑ کننگ کن الیکشن کمیشن غٹ بنجائی و صوبائی انتظامی کمامدارآتے پارت کرینے کہ مخصوص امیت دار یا سیاسی جماعت نا حق اٹی الیکشن آ اثر انداز مننگ کن سرکاری وسیلہ غاک بایدے کاریم اٹ بفس۔
ضابطہ اخلاق نارداٹ وزیراعظم، وزیراعلیٰ ، بنجائی وزراء، وزیر مملکت آک، وزیراعظم و صدر نا سلاہکار، صوبائی وزیر آک، وزیراعلیٰ نا سلاہکار ، قومی و صوبائی اسمبلی تا باسک یا اوفتا کنڈآن ہچ ءُ بندغ اس ضمنی گچین کاری نا شیڈول جاری مننگ آن پد و پولنگ پورو مننگ اسکان او حلقہ نا دورہ ءِ کپک، اگہ سرکاری کارندہ اس تینا عہدہ نا وڑنا وڑاسیٹ غلط استعمال ءِ کرے تو اونا برخلاف کانود نا رداٹ کارروائی کننگک۔ گچین کاری شیڈول ناپڑو آن گڈ الیکشن کمیشن نا پیشگی منظوری آن بیدس ہچ ءُ تقرری و تبادلہ اس مفک۔
