ایوی ایشن ڈویژن نا شونداری ڈٹ آتے کن 62 کروڑ 31 لکھ روپئی آن زیات نا فنڈ جاری

اسلام آباد (پاکستان نیوزپوائنٹ20ستمبر2017ء) وزارت ڈٹ بندی و شونداری سرکاری بشخ انا شونداری پروگرام تیٹی ایوی ایشن ڈویژن نا شونداری ڈٹ آتے کن جم وڑاٹ 62 کروڑ 31 لکھ روپئی آن زیات نا فنڈ جاری کرینے۔ حکومت دا ڈویژن نا شونداری کاریم تے کن 4 ارب 34 کروڑ روپئی آن زیات نا فنڈ جتا کننگانے۔ پلاننگ کمیشن نا کنڈآن جاری کروک حساب وکتاب نا رداٹ اسلام آباد اٹی اے ایس ایف نا اکموڈیشن کن 11 کروڑ، اسلام آباد اٹی کسانہ ڈیم انا جوڑ جاڑ کن 43 کروڑ 10 لکھ، مردان خیبر پختونخوا ٹی کلپانی پول آ فلڈ فارکاسٹنگ کن 5کروڑ روپئی تون اوار چندی شونداری ڈٹ آتے کن فنڈ جاری کرینے۔