اسلام آباد (پاکستان نیوزپوائنٹ15ستمبر2017ء) مزن وزیر شاہد خاقان عباسی ءَ گوں پاکستان ءَ امریکا ءُُ اوگانستان ءِ سفیر آں آدینگ ءِ روچ ءَ مزن وزیر کارگس ءَ جتا جتا گند ءُُ نند کت۔ اوگان سفیر حضرت عمر زخیلوال ءَ مزن وزیر ءَ را نوکیں سیٹ ءِ نندگ ءِ سر ءَ مبارکی دات۔ اوگان سفیر ءَ گند ءُُ نند ءَ مزن وزیر ءَ را پڑ ، ھاسیں رنگ ءَ اوگانستان ءَ ایمنی ءُُ برجائی ءِ ھاترا پاکستان ءِ جزم ءَ را سہرا کت۔
مزن وزیر ءَ اوگان سروکی ءَ ھندی ”مفاہمتی عمل“ ءِ واستہ پاکستان ءِ کمک کنگ ءِ درشان کت۔ عمر زخیلوال ءَ دوئیں ملک آنی نیام ءَ راجدپتریی، دود ءُُ ربیدگی، اقتصادی ءُُ جوانیں رابطہ ءَ چہ دو نیمگی یکوئی ءَ را گیش دیمروئی دیگ ءِ ھاترا یکجائی ءَ کار کنگ ءِ ھوالگ ءَ اوگان حکومت ءِ جزم ءِ درشان کت۔ امریکی سفیر ڈیوڈہیل ءَ گوں تران کنان ءَ مزن وزیر ءَ یکجائی مول ءُُ مراد ءُُ وت مہ وتی نپ ءُُ سیت ءِ ایندگر کار آنی پد ءُُ رند ءِ ھاترا رابطہ ءِ ارزشت آنی سر ءَ زور پر دات۔ اے تپاک کنگ بوت کہ پاکستان ءُُ امریکا ءِ نیام ءَ کوھنیں یکوئی ءَ را روگ ءُُ آیگ ”رابطہ“ آنی وسیلگ ءَ گیش دیمروئی دیگ لوٹ ایت۔
