کوئٹہ۔ 23 اگست (اے پی پی) پاکستان تحریک انصاف بلوچستان نا صوبائی صدر سردار یارمحمد رند الطاف حسین نا اشتعال انگیزتقریر ءِ قومی سلامتی نا منافی گوندسا پارینے کہ اقوام متحدہ ٹی کشمیری الس نا حق انا توار ءِ چست کننگ تو ن ہی اسہ مخصوص لابی بھارت نا ہم نوا مرسا منفی پروپیگنڈہ غاتیٹی مصروف عمل مسنے۔ میڈیا ہاؤسز آتیا جلہو آجوئی صحافت آ ضرب کاری ءِ ہرانا پبی مذمت ءِ کینہ۔
الطاف حسین نا برخلاف آرٹیکل 6 انا رداٹ دمدستی کارروائی ءِ عمل اٹی ہتنگے۔ داخیال آتادرشانی ءِ او سینئر پارٹی راہشون آتا نمائندہ ڈل اتون ہیت و گپ و میڈیا ہاؤسز آتیا مروک آ جلہو آتا برخلاف جاری کروک مذمتی بیان اٹی کرے۔ سردار یارمحمد رند پارے کہ مقبوضہ کشمیر نا مظلوم الس آ کروک آ ظلم انا حقیقت جہانی دنیا غا آشکار مننگ و اقوام متحدہ ٹی کشمیری الس نا حق انا الس بڑز مننگ آ بھارت بوکھلائٹ نا گواچی ءِ۔
