الطاف حسین ءِ ھلاپ آئین ءِ آرٹیکل 6 ءِ ردا کارروائی بہ کن ات، حکومت بلوچستان ءِ ترجمان انوار الحق کاکڑ ءِ پریس کانفرنس

کوئٹہ(پاکستان نیوز پوائنٹ 23اگست 2016ء) حکومت بلوچستان ءِ ترجمان انوار الحق کاکڑ ءَ الطاف حسین ءِ ھلاپ آئین ءِ آرٹیکل 6ءِ ردا کارروائیءِ لوٹ کنگءَ گشتگ انت کہ الطاف حسین ءَ کجام زبان کار مرز کرتگ انت آ در اصل مقبوضہ کشمیرءَ دیان دور کنگ ءِ کوشست انت، اے ھیال آنی درشانی آئی ءَ سے شمبے ءَ تران کرتگ۔ حکومت بلوچستان ءِ ترجمان انوار الحق کاکڑءَ گشتگ کہ الطاف حسینءَ کجام وڑءَ حساس ادارگ آنی ھوالہ ءَ زبان کار مرز کرتگ آ قابل زار شانی انت، سر وزیر بلوچستان نواب ثناء الہ خان زہر ءُُ حکومت بلوچستان بنجاہی سلامتی ءِ ھلاہ ایوڑیں گام گیج وءِ زار شانی کنت آئی ءَ گشتگ کہ در اصل اقوام متحدہ ءَ آؤڑ ءَ مقبوضہ کشمیر ءِ تحریک آجوئی ءِ حمایت کرتگ گڑا بھارتی مزن وزیر دگنیا ءِ دیان دوِر کنگ ءِ ھاتر ءَ وتی پگار دار آں ہمے وڑ ءِ بیان برجاہ کنگ ءَ انت آئی ءِ چنکس ہم زار شانی بہ کن ات کم انت، آئی ءَ گشتگ کہ حکومت بلوچستان الطاف حسین ءِ اے رویہ ءِ نہ الما زار شانی کنت بلکں حکومت پاکستان ءِ لوٹ کنت کہ الطاف حسین ءِ ھلاپ آئین آرٹیکل6ءِ ردا کارروائی بہ کن ات۔