ہنر مند مردم ملکی دیمروی ءَ ھاسیں کرد ادا کرت کن انت، ڈپٹی کمشنر گوادر طفیل احمد بلوچ

کوئٹہ(پاکستان نیوز پوائنٹ 23اگست 2016ء) ڈپٹی کمشنر گوادر طفیل احمد بلوچ ءَ گشتگ انت کہ ہنر مند مردم ملکی دیمروی ءَ ھاسیں کرد ادا کرت کن انت، ہنر مند زالبول آں گِسی دستکاری ءِ صنعت ءَ ضلعی انتظامیہ ہر ممکن کمک کنت۔ اے ھیال آنی درشانی آئی ءَ ڈھوریہ اکیڈمی گوادر ءِ شعبہ دست کاری سنٹرءِ ترءُُ تاب کنگ ءِ موہ ءَ گپءُُ تران کنگءَ کرتگ۔ اے موہ ءَ آئی ءَ ڈھوریہ اکیڈمی شعبہ دست کاری سنٹر ءَ 40دانگ سلائی مشن داتگ۔

اے موہ ءَ ڈھوریہ اکیڈمی ءِ ڈائریکٹر حسن علی موسیٰ ءُُ کہدہ بابر ہم آئی ءِ ہمراہ ات انت۔ ڈھوریہ اکیڈمی گوادر ءِ ھذمت ءَ سہڑائینگ ءَ ڈپٹی کمشنر گوادرءَ گشتگ انت کہ ہمے وڑ ءَ ادارگ چاگرد ءَ بے روزگاری ءِ ھلاسی ءُُ ہنر مند مردم پیداک کنگءَ ھاسیں کرد ادا کنگءَ انت۔ آئی ءَ امیت درشان کرتگ کہ اے ادارگ وتی کرد ءَ دِگہ شر جوڑ کنگ بیت ءُُ ضلعی انتظامیہ آئی ءِ گوں ہر ممکن کمک کنگ ءَ تیار انت۔