اسلام آباد(پاکستان نیوزپوائنٹ13ستمبر2017ء) بے نظیر انکم سپورٹ پروگرام ءِ چیئرپرسن ماروی ءَ گشتگ کہ بے نظیر انکم سپورٹ پروگرام ءِ ردءَ چاریں صوبہ آنی چار چار ضلع آنی تہا پائلٹ سروے کتگء ُ نیزگار ء ُ ھکداریں زالبولانی معلوم داری جدید تریں ڈیوائس ءِ وسیلگءَ زورگ بوتگ اَنت کہ بے نظیر انکم سپورٹ پروگرامءِ تنج ءِ سرءَ ایر کنگ بنت۔ چارشمبےءِ روچءَ راجی اسمبلی ءَ ماروی میمن ءَ نکتہ اعتراض ءِ سرءَ گپ کتگء ُ گشتگ کہ مسلم لیگ(ن) ءِ حکومت ء َ بے نظیر انکم سپورٹ پروگرام ءِ بجٹ ءَ ر ا 70اربءَ چہ گیش کتگ ء ُ 120ارب کتگ ، پروگرام ءِ سروے جاری اِنت۔
آئیءَ گشتگ کہ پیسرءَ پارلیمنٹرین ءَ را فارم جاری کنگ بوتگ اے 2010ءَ ھلاس کنگ بوتگ۔ ایشیءَ پد گوستگیں حکومت ءَ 155ملین آبادی ءِ سروے کتگ۔ 75ملین زالبول ھکدار لیکگ بوتگ اَنت۔ اے بنیات ءَ اے رقم بھرء ُ بانگ کنگ بوھگءَ اَنت۔ فارم آنی وسیلگءَ سروے نہ بنت ھمے ھاترءَ جدید ٹیکنالوجی ء ِ وسیلگءَ آن لائن سروے بیت۔ کے پی کے ، پنجاپ ، سندھ ، بلوچستان ءِ چار چار ضلع آنی سروے بوتگ اَنت۔ اے دراھیں معلوم داری تنج ءِ سرءَ جاری کنگ بنت۔
