اسلام آباد(پاکستان نیوزپوائنٹ13ستمبر2017ء) توکی کارانی وزیر احسن اقبال ءَ گوشت کہ حکومت متحدہ قومی موومنٹ پاکستان ءِ سروک ءِ سر ءَ کراچی ءَ اُرش ءَ گوں ھواریں ناشرکار ءُُ شدّتی ایں گروپ انصار الشریعہ ءِ سر ءَ زوت مندش جنت۔ چار شمبے ءِ روچ ءَ اھوال در آں گوں تران کنان ءَ توکی کارانی وزیر ءَ گوشت کہ اُرش ءِ ماسٹر مائیڈ ءَ را دزگیر کنگ بوتگ ءُُ ایندگہ ملزم آناں زوت دزگیر کنگ بیت چیا کہ کانود ءَ را مھکم داروکیں ادارگ آوانی پد ءُُ رند ءَ اَنت۔
احسن اقبال ءَ گوشت کہ اے مزنیں کامیاتی اِت ءُُ حکومت اے گروپ ءِ سرجمیں نیٹ ورک ءَ را پروش دیگ ءِ ھاترا جزمیگ اِنت۔ آئیءَ گوشت کہ ڈائریکٹر جنرل رینجرز ءَ ایشرا اے واکیہ ءِ بابت ءَ دیمروئی گام آنی بابت ءَ سرپد کت۔ یک جست ءِ ئے پسو ءَ آئی ءَ گوشت کہ ایم کیو ایم پاکستان ءَ ھوار توامیں سیاسی گل آناں سیاسی آزاتی دیگ بوتگ پدا ھم اِ چ شدّت دوستیں گروپ یا پارٹی ءَ را شدّت ءُُ پساد ءَ را دمینگ ءِ موہ دیگ نہ بیت۔ ”عوامی مرکز“ ءَ آس لگگ ءِ واکیہ ءِ سر ءَ اپسوزی ءِ درشان کنان ءَ آئیءَ گوشت کہ اے واکیہ ءِ انکوائری رپوٹ گوانگ جنگ بوتگ۔
