اسلام آباد (پاکستان نیوز پوائنٹ 23اگست 2016ء) پاکستان نیوکلیئر سپلائر گروپ ءِ باسکی ءِ ھاترا بیلاروس ءُُ کزاکستان ءَ چہ کمک لوٹ کنت۔ڈنی کارانی کارگس ءِ ھالو ءِ نیمگ ءَ چہ سئے شمبے ءَ گوشتگ بوتگ کہ اے رد ءَ مزن وزیر ءِ ھاسیں کمک کار پہ درئی کار طارق فاطمی مزن وزیر ءِ ھاسیں نمائندگ ءِ بستار ءَ 23ءَ چہ 27اگست ءَ تاں بیلا روس ءُُ کزاکستان ءِ تر ءُُ تاب ءَ کنت۔
آ مزن وزیر محمد نواز شریف ءِ نمدی بیلا روس ءِ صدر الیگزینڈا لوکاشنکو ءُُ کزاکستان ءِ صدر نور سلطان نذربایوف ءِ ھوالگ ءَ کنت۔ اے نمدی آنی تہ ءَ مزن وزیر ءَ نیوکلئیر سپلائر گروپ آنی سر ءَ جوہری شنگ کاری ءِ منوگری (این پی ٹی) ءِ سر ءَ دست چنگل کنوکیں ملک آنی باسک بوھگ ءِ جیڈھ ءِ سر ءَ ھرابیں ھیال ءُُ لیکہ دارگ ءِ ضلورت ءِ سر ءَ زور پرداتگ۔ بیلا روس ءِ صدر ءَ گوں گند ءُُ نند ءَ ابید طارق فاطمیڈنی کارانی وزیر ولادی میر میکائی، نائب وزیر ءِ ڈنی کار ءُُ وزیر ءِ صنعت ءَ گوں گند ءُُ نند ھم کنت۔ آ کزاکستان ءَ ڈنی کارانی وزیر ءُُ نائب وزیر ڈنی کار ءَ گند ءُُ نند ھم کنت۔
