ژوب۔(پاکستان نیوز پوائنٹ 23اگست 2016ء) کراچی ٹی میڈیا ہاؤسز آتیا ایم کیو ایم نا جلہو و الطاف حسین نا برخلاف سیاسی راجی صحافتی تنظیم و پریس کلب ژوب انا کنڈآن برانزی ریلی و مچی کننگا۔ ریلی نا شرکاء دوتے اٹ پلہ کارڈ چست کرسا جتا شاہراہ غاتیا مارچ کرسا مولانا شمس الدین شہید چوک آ برانزی مچی کریر۔ مچی کروک آک داواقعہ نا زمہ وار ایم کیو ایم و اونا راہشون آتا برخلاف شدید نعرہ بازی کریر۔
مچی کروک آتیان تران کرسا اے این پی نا ضلعی صدر انور مندوخیل صحافی سردار غلام سرور شیرانی، صحافی رفیق مندوخیل ، محمود خان حریف ، آل قبائلی و راجی راہشون عبدالستار کاکڑ، پی ایم ایل (ن) اجمل اعوان ، عبدالرحیم مندوخیل، این اے سی نقیب اللہ مندوخیل ، انور شاہ مشوانی، بشر دوست کاروان نا عبدالہادی ، جمہوری قومی موومنٹ نا شیر حسن شیرانی، انجمن تاجران نا صدر گل زمان ناصر، دولت خان بابکر خیل و ایلوک پاریر کہ کراچی ٹی میڈیا ہاؤسز آتیا جلہو ملک انا چارمیکو تمبہ غا جلہو ءِ ایم کیو ایم صحافت آ جلہو و الطاف حسین پاکستان نا برخلاف نعرہ خلسا دا ثابت کرینے کہ او پاکستان نا وفادار اف۔ ایم کیو ایم میڈیا غا جلہو کرسا تینا قبر ءِ تینٹ ختانے ۔
