سیالکوٹ (پاکستان نیوز پوائنٹ 22اگست 2016ء) مزن وزیر محمد نواز شریف ءَ سیالکوٹ ۔ لاہور موٹروے ءِ بنیات ایر کرتگ، 89کلو میٹر موٹروے ءِ سرا 45ارب کلدار کیت۔ چار لین ءِ اے شاہرگ فرنٹیئر ورکس آرگنائزیشن ہائی وے اتھارٹی ھواریں وڑ ءَ جوڑ کنت کہ آ سوبہ ءِ دو مزیں واپاری جاہءَ ہمگرنچ کنت ءُُ اے منصوبہ دو سال ءَ سرجم بیت۔ ایف ڈبلیو او ءِ ڈائریکٹر جنرل میجر جنرل محمد افضل ءَ وتی بریفنگ ءَ گشتگ کہ ایف ڈبلیو او موٹروے ءِ بروبری ءِ کار کنت ءُُ رستگیں ٹیکس آنی ذریعہ ءَ بنجاہی خزانہ ءَ ہم بہر مان کنت۔
آئی ءَ مزن وزیر ءَ گشتگ کہ دومی لہتیں شاہرگ منصوبہ ملک ءِ ھاسیں واپاری جاہ آں ہم ملائینیت ءُُ بنجاہی دیمروی ءُُ وشحالی ءِ دیمروی دئیگ ءَ انت ۔ موٹروے این فائیو ءِ سرا لاہور بائی پاس انٹر چینج ءَ بندات بیت کہ آ کالا شاہ کاکو ءِ نزد ایم ٹو ءَ ہم ملائینیت، سیالکوٹ ءِ رو برکتی ءَ کساس 15کلو میٹر ءِ پاسلہ ءِ سرا ھلاس بیت۔ مزن وزیر محمد نواز شریف ءَ منصوبہ ءِ تختی ءِ نقاب کشائی کنگءَ سیالکوٹ ۔ لاہور موٹروے پراجیکٹ ءِ سنگ بنیات ایر کرتگ۔ اے موہ ءَ وزیر دفاع خواجہ محمد آصف، فرنٹیئر ورکس آرگنائزیشن ءِ ڈائریکٹر جنرل میجر جنرل افضل ہم ھوار ات۔
