سی پیک ڈٹ، ملک اٹی امن وایمنی نا گچین حالیت آتیان ہوٹلنگ نا بشخ اٹی نمان گچینی

سی پیک ڈٹ، ملک اٹی امن وایمنی نا گچین حالیت آتیان ہوٹلنگ نا بشخ اٹی نمان گچینی

اسلام آباد(پاکستان نیوز پوائنٹ 22اگست 2016ء) چین پاکستان اقتصادی راہداری (سی پیک ) ڈٹ و ملک اٹی امن وایمنی نا ترندی اٹ گچین مرسا حالیت آتیان ملک اٹی ہوٹلنگ نا بشخ اٹی نمان گچینی مسنے۔ اینخو سال 2016ء ا وخت آ اگست نا تواسکان ہوٹل انڈسٹری نا 80 درسد ہنکینی آسراتی تیان استفادہ کننگ انگ ءِ وخت اس کہ سال 2015ء نا وخت آ دا کچ 35درسد مسوسس۔ بیچ لگژری ہوٹل نا ڈائریکٹرز بزنس ڈویلپمنٹ ریحان واحد پارینے کہ سی پیک ڈٹ انا سوب لاہور و اسلام آباد نا زیات ترہوٹل آتیٹی فل بکنگ مریک وخت اس کہ ملک انا ایلو شارتیٹی ہم بکنگ نا تناسب بھاز گچین ءِ۔

اوپارے کہ امن وایمنی نا گچین حالیت و سی پیک نا سوب مچ آ دنیا آن کاروباری شخصیت و زرکار آک پاکستان آ بننگ ءُ و اوفتے آن زیات تر اسہ توآن وخت اکن ہوٹل اٹی کمرہ بک کرفیرہ ہنداسوب ءِ کہ اینخو سال ہوٹل آتا ہنکینی آسراتی تا تقریباََ 80 درسد بشخ بک مننگ ءِ ہرا بشخ انا شون اٹی کمکار ثابت مریک۔