اسلام آباد(پاکستان نیوز پوائنٹ 22اگست 2016ء) بین الاقوامی امور نا چاہندار غلام مصطفی خان پارینے کہ وزیراعظم پاکستان پاک چین اقتصادی راہداری ڈٹ انا رداٹ جاری توانائی و بنداوی ڈھانچہ نا ڈٹ آتیا کاریم نا رفتار آ است جمی نا درشانی ءِ کرینے۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا ساڑی آ حکومت نا پالیسی تا سوب ملکی معیشت اٹی گچینی بننگ ءِ۔
اوپارے کہ ساڑی آ حکومت توانائی تنکی نا مون ءِ توننگ و بنداوی ڈھانچہ نا ڈٹ آتیا کاریم ءِ برجاء تخانو۔ غلام مصطفی خان پارینے کہ ننا آخبت نا انحصار داڈٹ آتیا ءِ و اگہ ننے اوفتے آپبی فائدہ ہرفوئی ءِ تو دا ڈٹ آتا بروخت ایسری اسکان سرکننگ بے حد المی ءِ۔ پاک چین اقتصادی راہداری ڈٹ انا بابت آن چست کروک آ سوج انا ورندی ءِ ترسا اوپارے کہ داڈٹ انا پوروی آن نہ صرف پاکستان بلکن سویلی ایشیانا غٹ ملک آتا تقدیر بدلینگک۔
