حسین حقانی نا پاسپورٹ نا اجراء نا بابت آن ہچ وڑنا تاخیر اس متنے،

اسلام آباد(پاکستان نیوز پوائنٹ 22اگست 2016ء) وزارت داخلہ صفا کرینے کہ مسکوہی سفیر حسین حقانی نا پاسپورٹ نااجراء نا بابت آن ہچ وڑنا تاخیر اس متنے، پاسپورٹ ڈائریکٹوریٹ تخوک آ وخت اٹی پاسپورٹ نا اجراءِ کرینے۔ ترجمان وزارت داخلہ دوشنبے آ داڑے جاری بیان اٹی پارینے کہ حکومت پاکستان یا وزارت داخلہ نا کنڈآن حسین حقانی نا پاسپورٹ ءِ توننگ نا خبر تیٹی ہچ ءُ راستکی اس اف۔ حسین حقانی نا کنڈآن پاسپورٹ نا اجراء نا درخواست دوئی مننگ تو ن ہی پاسپورٹ ڈائریکٹوریٹ نا کنڈآن تخوک آ وخت اٹی پاسپورٹ نا اجراء کننگا و مروجہ وڑوڈول نا رداٹ واشنگٹن اٹی پاکستانی سفارت خانہ غا گدریفنگانے۔ ترجمان پارے کہ دا چرجوئی ٹی تاخیر نا زمہ واری ءِ وزارت داخلہ آ خلنگ قطعاََ مناسب اف۔