اسلام آباد(پاکستان نیوز پوائنٹ 19اگست 2016ء) چیئر مین سینیٹ میاں رضا ربانی ءَ تجویز داتگ انت کہ کوئٹہ وھیل ءَ شہید بوؤک آنی پد منتگیں ھاندان آں گوں یکجہتی ءِ درشانی ءِ ھاتر ءَ پنجاب، سندھ ءُُ خیبر پختونخوا کم ءَ چہ کم یک یک زاھگ ءِ وانینگءِ ذمہ واری بہ زوریت ءُُ وتی صوبہ ءِ شر تریں وانگ جاہ آں آھاںءَ داخلہ بہ دنت ۔ جمعہ ءَ چیئر مین سینیٹ ءِ نیمگءَ برجاہ بیان ءِ ردا آئی ءَ گشتگ کہ 8اگست ءَ کوئٹہ ءِ سول ہسپتال ءَ دھماکہ ءَ شہید بوؤک آں گوں یکجہتی ءِ درشانی کنگ ءِ ھاتر ءَ پنجاب، سندھ ءُُ خیبر پختونخوا ءِ سر وزیر وتی صوبہ آں ھاسیں سکول، کالج ءُُ یونیورسٹی آں شہید آں کم ءَ چہ کم یک یک زھاگ آں داخلہ بہ دئینت ءُُ آھانی وانگی ھرچ ءُُ درچ برداشت بہ کن انت۔
آئی ءَ گشتگ کہ کوئٹہ وھیل ءَ 71ھاندان وتی نزیکی عزیز آں محروم بوت انت۔ چیئر مین سینیٹ ءَ سر وزیر انی نام ءَ نبشتانک نبشتہ کنگ ءَ گشتگ کہ اے وڑیں الما اے زاھگ آں شریں وانگی آسراتی بہ دئیت بلکں بلوچستان ءِ اُلس دِگہ صوبہ آں وتی ڈکھ ءَ شریدار محسو بہ کنت۔ چیئر مین سینیٹ ءَ گشتگ کہ بلوچستان ءَ بوؤکیں وھیل الما یک صوبہ ءِ تاوان نہ بلکں اے فیڈریشن ءِ تاوان انت پرچاکہ اے اُرش ءَ مڈل ءُُ لوئر مڈل کلاس ءَ تعلق داریں اجتماعی دانش ءَ تاوان رستگ انت۔
