اسلام آباد(پاکستان نیوز پوائنٹ 19اگست 2016ء) نجاہی وزیر برائے موسمیاتی بدلی زاہد حامد ءَ گشتگ انتکہ پاکستان اولی بار اوور اوشن کانفرنس ءَ بہر زوریت، اے کانفرنس رواں سال 15دسمبر ءَ واشنگٹن ءَ بیت۔ امریکی وزیر خارجہ سینیٹر جان کیری ءَ یک نبشتانک ءِ ذریعہ ءَ پاکستانءَ اے کانفرنسءَ بہر زورگ ءِ دعوت داتگ انت۔ جمعہ ءَ وزارت موسمیاتی بدلی ءَ برجاہ یک بیان ءِ ردا کانفرنس ءَ پیدار ماہی گیری، سمندری آلودگی ءُُ سمندر آں موسمی اثر آنی سرا پکر کنگ بیت۔
بنجاہی وزیر موسمیاتی بدلی ءَ اے ھوالہ ءَ لہتیں محکمہ آنی نمائندگ آں گوں مشورگ دیوان اڈ کرتگ آئی ءَ کانفرنس ءَ پاکستان ءِ نقطہ نظر ءَ زورگ ءِ سرا ھیال ءُُ لیکھہ کرتگ۔ وزارت سائنس ءُُ ٹیکنالوجی ءِ ڈاکٹر آصف انعام ءَ اے موہ ءَ گشتگ کہ مارا اے موہ ءَ پائدگ زورگ ءِ ھاتر ءَ سرجمیں فعال بہر زورگ لوٹیت۔ دیوان ءَ وزارت دفاع ءَ کیپٹن فیض حسین، نیول ہیڈ کوارٹر ءَ لیفٹیننٹ کمانڈر پرویز اقبال، نیوی ءَ ڈاکٹر محمد آصف ریاض، ڈائریکٹر پورٹ اینڈ شپنگ ڈاکٹر علمدار حسین ملک ءُُ وزارت وردنی تحفظ ءَ جنید وٹو ءَ دیوان ءَ بہر زورت انت ءُُ اے کانفرنس ءِ ھوالہ ءَ مشورگ ءِ ھاتر ءَ صوبائی حکومت آنی نمائندگ آں دیمے دیوان ءَ لوٹت انت۔
