راولپنڈی۔(پاکستان نیوز پوائنٹ 19اگست 2016ء) بری فوج ءِ سروک جنرل راحیل شریف ءَ پاک اوگان سیم سر ءِ نزد خیبر ایجنسی ءِ سکیں ءُُ برزیں کوہی دمگ آں پاک فوج ءِ سر سوب آپریشن ءِ سرا تسلا ءِ درشانی کنگءِ پنت ءُُ شون داتگ انت کہ نا شرکار آنی لڈ ءُُ بہر سرجمی ءَ دارگ ءِ ھاتر ءَ سیکورٹی ءَ دِگہ سک ءُُ فعال جوڑ بہ کن ات۔ آ جمعہ ءَ پاک اوگان سیم سر ءِ نزد خیبر ایجنسی ءَ نا شرکار آنی ھلاپ آپریشن ءِ ھاتر ءَ ھستیں دیمے مورچہ آنی ترءُُ تاب ءِ موہ ءَ گپ ءُُ تران کنگ ءَ ات۔
پاک فوج ءِ شعبہ تعلقات عامہ( آئی ایس پی آر) ءِ ردا آرمی چیف ءَ سجیں روچ خیبر ایجنسی ءَ گوازینتگ۔ آپریشنل کمانڈر ءَ آرمی چیف ءَ خیبر پختونخوا ءَ بوؤکیں سر سوب آپریشن ءِ ھوالہ ءَ سرجمی ءَ بریفنگ داتگ۔ آرمی چیف ءَ خیبر ایجنسی ءَ نا شرکار آنی ھلاپ سر سوب آپریشن ءِ سرا پاک فوج ءِ پیشہ وارانہ کامءُُ ازم ءِ ستا کرتگ۔ راجگال ءِ سکیں کوہی راہ آں نا شرکار سیمسر ءِ دوئیں نیمگءَ بوھگ ءِ ھاتر ءَ کار مرز کنگ ءَ ات انت اے دمگءَ نا شرکار اں ساپ کنگ اے گپ ءِ گواہ انت کہ پاک سیم سر پار لڈ ءُُ بار ءِ دارگ ءِ ھاتر ءَ پر ازم انت ءُُ سیم سری بند ءُُ بست ءَ کمک ءِ ھاتر ءَ کمک کن انت۔
آرمی چیف جنرل راحیل شریف کجام وھد خیبر ایجنسی ءِ دیمے مورچہ آں سر بوتگ گڑا کور کمانڈر پشاور لیفٹیننٹ جنرل ہدایت الرحمن ءَ آئی ءَ خیر مقدم کرتگ۔
