کوئٹہ۔(پاکستان نیوز پوائنٹ 19اگست 2016ء) سر وزیر بلوچستان نواب ثناء الہ خان زہری ءِ پنت ءُُ شون ءِ سرا محکمہ لائیو اسٹاک ءَ کوئٹہ ءِ ھواری ءَ لورالائی، ژوب، بارکھان ءُُ قلعہ عبداللہ ءَ کانگو وائرس ءِ دارگ ءِ ھاترءَ مویشی منڈی ءُُ مال ءُُ سہدار دارگ ءِ دومی ھند آں مال مویشی ءِ سرا سپرے ءِ مہم ءِ بندات کرتگ۔ واضح بہ بیت کہ گوستگیں روچ کانگو وائرس ءَ بچائینگ ءُُ ایشی ءِ دارگ ءِ ھاتر ءَ بوؤکیں دیوان ءَ سر وزیر ءَ اسپرے کنگ ءُُ دومی احتیاطی گام گیج ءِ ھاسیں پنت ءُُ شون کرتگ ات آئی ءَ اے ھوالہ ءَ آئی ءَ اسپرے ءُُ کانگو وائرٹیسٹنگ لیبارٹری ءِ ھاتر ءَ فنڈ ءِ برجاہی ءِ منظوری ہم داتگ ات ۔
ایشی ءَ ابید سر وزیر ءَ ژوب، لورالائی ءُُ انچیں دومی ضلع اودا کانگو وائرس ءِ تالان بوھگ ءِ احتمال انت اودا ضلعی ہسپتال ءَ آئسو لیشن وارڈ جوڑ کنگ ءِ پنت ءُُ شون ہم کرتگ ات۔ مزن عید ءِ آھگءَ کوئٹہ ءِ لہتیں ھند آں ھستیں سہدار منڈی ءَ محکمہ لائیو اسٹاک ءِ کارندہ آں سپرے کرتگ ءُُ اے سلسلہ ءَ آؤکیں ہم برجاہ بیت۔ محکمہ لائیو اسٹاک ءِ نیمگءَ اُلس ءَ ہم دست بندی کرتگ انت کہ آ کانگو وائرس ءَ بچائینگ ءِ ھاترءَ احتیاطی تدابیر وتی بہ کنت ءُُ اے ھوالہ ءَ حکومتی گام گیج ءَ سرجمی ءَ پائدگ بہ کنت۔
