جمہوری ءُُ معاشی وڑ ءَ سوگو پاکستان منی وژن انت،

اسٹریجک پالیسی ءِ سرا ھچ سمجھوتگ نہ بیت، مزن وزیرمزن وزیر محمد نواز شریف ءِ کراچی شپ یارڈ ءَ ترک شپ بلڈنگ فرم ءِ کمک ءَ جوڑ کرتگیں 17ہزار ٹن فلیٹ ٹینکر ءِ افتتاحی مراگش ءَ تران

جمہوری ءُُ معاشی وڑ ءَ سوگو پاکستان منی وژن انت،
اسٹریجک پالیسی ءِ سرا ھچ سمجھوتگ نہ بیت، مزن وزیرمزن وزیر محمد نواز شریف ءِ کراچی شپ یارڈ ءَ ترک شپ بلڈنگ فرم ءِ کمک ءَ جوڑ کرتگیں 17ہزار ٹن فلیٹ ٹینکر ءِ افتتاحی مراگش ءَ تران

کراچی(پاکستان نیوز پوائنٹ 19اگست 2016ء) مزن وزیر محمد نواز شریف ءَ گشتگ انت کہ جمہوری ءُُ معاشی وڑ ءَ سوگو پاکستان مئے وژن انت، اسٹریجک پالیسی ءِ سرا ھچ سمجھوتگ نہ بیت۔ کراچی شپ یارڈ ءَ ترکی ءِ شپ بلڈنگ فرم ءِ کمک ءَ جوڑ بوؤکیں 17ہزار ٹن فلیٹ ٹینکر ءِ ھستیں وھد دو ماہ دیما سرجم بوھگ ءِ سر ا کراچی شپ یارڈ، پاک بحریہ ءُُ دفاعی پیداوارءِ وزارت ءَ مبارکبات دئیگءَ مزن وزیر ءَ گشتگ کہ ترکی ءَ مئے چاگردی، ءُُ تہذیبی سیادی است انت، دفاع ءِ شعبہ ءَ دوئیں ملک آنی کمک ءَ دِگہ زیات بیت۔

پاکستان ءُُ ترکی دیریں دوست انت، پاک بحریہ ءِ فلیٹ ٹینکر ھر وھد ءَ پاک ترک دوستی ءِ نشانی ءِ وڑ ءَ یاد دارگ بیت۔ حکومت درستیں تکنیکی شعبہ آں وت انحصاری ءِ پالیسی ءَ کمک برجاہ بہ داریت، گوادر ءَ مرکز جوڑ کنگ ءَ دمگی واپاری ءُُ ٹرانس شپمنٹ ءِ ذریعہ ءَ زیات ءَ چہ زیات پائدگ ءِ پجارینگ ھستیں حکومتءِ ازم انت۔ اے ھیال آنی درشانی آئی ءَ جمعہ ءَ کراچی شپ یارڈ ءَ ترک شپ بلڈنگ فرم ءِ کمک ءَ جوڑ بوؤکیں 17ہزار ٹن فلیٹ ٹینکر ءِ لانچنگ دیوان ءَ بحیثیت مہمان ھاس تران کنگ ءَ کرتگ۔

فلیٹ ٹینکر جمعہ ءَ کراچی شپ یارڈ اینڈ انجینئرنگ ورکس ءَ بوؤکیں یک پر وقار دیوان ءَ لانچ کرت انت۔ دیوان ءَ گورنر سندھ ڈاکٹر عشرت العباد خان، سر وزیر سندھ سید مراد علی شاہ، بنجاہی وزیر خزانہ سینیٹر اسحاق ڈار، وزیر دفاع خواجہ محمد آصف، بنجاہی وزیر دفاعی پیداوار رانا تنویر، پاک بحریہ ءِ سروک ایڈ مرل محمد ذکاء اللہ، در ملکی قونصل جنرلز ءُُ سول ءُُ ملٹری حکام ءَ بہر زرتگ۔

مزن وزیر محمد نواز شریف ءَ 17ہزار ٹن فلیٹ ٹینکر جوڑ بوھگ ءِ سرا کراچی شپ یارڈ ءُُ ترکی ءِ شپ بلڈنگ فرم ءَ مبارکباتی دئیگ ءَ گشتگ کہ اے گام گیج ءَ دفاعی پیداوار ءِ شعبہ ءُُ جنگی جہاز آنی تیاری ءَ ھاسیں پاک ترک یکجا ھواری ءَ زیات بوھگ ءِ پیداک بیت۔ مزن وزیر ءَ گشتگ کہ اے پراجیکٹ دفاعی پیداوار ءَ وت انحصاری گرگ ءَ ھاسیں کرد ادا بہ کنت۔

حکومت درستیں تکنیکی شعبہ ءَ وت انحصاری ءِ پالیسی ءَ کمک برجاہ بہ داریت۔ مزن وزیر ءَ گشتگ کہ گوادر ءَ مرکز جوڑ کنگ ءَ دمگی واپاری ءُُ ٹرانس شپمنٹ ءِ ذریعہ ءَ زیات ءَ چہ زیات پائدگ پجارینگ حکومت ءِ ازم انت ءُُ پاک چین اقتصادی راہداری ءِ ھواری ءَ ملک ءَ ساڑی دیمروی منصوبہ مئے اے ازم ءَ کمک انت۔ مزن وزیر محمد نواز شریف ءَ کراچی شپ یارڈ ءِ عملہ ءُُ انتظامیہ ءِ کوشست آں سہڑائینتگ آھاں اے ادارگ ءَ پائدگی ءُُ کار گر جوڑ کنگ ءَ وتی کرد پیش داشت انت آئی ءَ گشتگ کہ کراچی شپ یارڈ سرکاری شعبہ ءَ سر سوبی ءِ یک شریں مثال انت آئیءَ دومی ادارگ آں ہم کار کنگ لوٹیت، مزن وزیر محمد نواز شریف ءَ گشتگ کہ ھستین وھد ءَ دو ماہ دیما جہاز جوڑ کنگ راج ءِ ھاترءَ 70می یوم آجوئی ءِ تحفہ انت۔

مزن وزیر ءَ کراشی شپ یارڈ ءِ ملازم آنی ھاتر ءَ 100ملین کلدار بونس ءِ ہم جار جتگ۔ مزن وزیر محمد نواز شریف ءِ فیتہ کاٹ کنگ ءَ پد جہاز ءَ سمندر ءَ جہل کرت انت۔ دیما کراچی شپ یارڈ اینڈ انجینئرنگ ورکس ءِ منیجنگ ڈائریکٹر ریئر ایڈمرل سید حسن ناصر شاہ ءَ وتی خطبہ اسقبالیہ ءَ گشتگ کہ اے جہاز تنے وھدے پاکستان ءَ جوڑ بوؤکیں کل آں چہ مزنیں جنگی جہاز انت۔

آئی ءَ گشتگ کہ گوست ءَ کراچی شپ یارڈ اینڈ انجینئرنگ ورکس ءَ سر سوبی ءِ گوں پاک بحریہ ءِ لہتیں جنگی جہاز جوڑ بہ کن انت۔ آئی ءَ گشتگ کہ پاک بحریہ ءَ 4آبدوز جوڑ کنگ ءِ مزنیں منصوبہ کراچی شپ یارڈ ءَ دئیگ ءَ ایشی ءِ زانتکاری ءِ سرا بھروسہ ءِ درشانی کرتگ انتکہ آ چین ءِ ھواری ءَ سرجم کنگ بیت۔ آئی ءَ گشتگ کہ کراچی شپ یارڈ ہشت ہزار ٹن وزنی جہاز ءَ زورگ ءُُ یک جاگہ ءَ دومی جاگہ برگ ءِ نظام جنئگ ءِ کار ہم برجاہ داشتگ انت آئی ءَ نہ الما جہاز سازی ءُُ جوڑ ءُُ جاڑی زانتکاری بلکں آمدنی ءَ ہم زیات بیت ءُُ روزگار ءِ موہ ہم پیداک بیت۔

فلیٹ ٹینکر ءِ معاہدہ وزارت دفاعی پیداوار ءِ زیر سایہ طے بوتگ ات۔ اے جہاز پچیں سمندر ءَ سے ماہ ابید یک کمک ءِ آپریٹ کرت کنت۔ ٹینکر انٹرنیشنل میری ٹائم آرگنائزیشن ءُُ بحری آلودگی ءِ قواعد ءُُ جوابط ءِ ردا جوڑ کرتگ انت اے جہاز سمندر ءَ ھستیں پاک بحریہ ءِ دومی جہاز آں ھشک ءُُ مائع کار گو ءِ ترسیل ءِ ذریعہ ءَ لاجسٹک سپورٹ بہ دنت ءُُ اے ہیلی کاپٹر ءِ ذریعہ ءَ جنگی آپریشن ءَ کمک ءِ زانتکاری ہم داریت۔ اے جہاز نوکیں طبی آسراتی ءَ ہم پُر انت کہ آ جنگ ءُُ یک کمکی آپریشن ءِ وھد ءَ پاک بحریہ ءِ دومی جہاز آں ہم طبی کمک دئیگءِ زانتکاری داریت۔