اسلام آباد(پاکستان نیوز پوائنٹ 19اگست 2016ء) بین الاقوامی حالیت آتا چاہندار ڈاکٹر نور فاطمہ پارینے کہ پاکستانی تعلیمی ادارہ غاتیٹی چینی ہیت وگپ ءِ ہیل تننگ آن پاکستانی تے چین اٹی روزگار نا دوئی کننگ اٹی کمک رسینگک۔ ریڈیو پاکستان تون ہیت وگپ کرسا اوپارے کہ او پارے کہ مچ آ دنیا ٹی تعلقداری تے پین گچین جوڑ کننگ کن سفارتکاری رابطہ غاتون اوار اوار دودوربیدہ و اقتصادی ڈپلومیسی ءِ اوار کننگ انگ ءِ۔
اوپارے کہ پاکستان مسلم لیگ (ن) نا ساڑی آ حکومت ہم گچین سفارتی، دودوربیدہ و اقتصادی رابطہ غاتے کاریم اٹ اتسا پیشن نا دنیا تون تینا تعلقداری تے پین مون آ دننگ ءِ۔ ڈاکٹر نور فاطمہ پارے کہ پاک چین اقتصادی راہداری ڈٹ ہم ہندا چرجوئی نا سرسہبی نا مزل نا نشان اسے۔ اوپارے کہ پاک چین اقتصادی راہداری ڈٹ شون نا مزل نا نشان ءِ دا ڈٹ انا پوروی آن بے روزگار ورناتے کن تکنیکی روزگار نا وارخواہی ودی مریک و ملک آن بے روزگاری نا خاتمہ ٹی کمک رسینگک۔
