توانائی نا زیر تکمیل پروجیکٹس آن 20 ہزار میگاواٹ بجلی دوئی کننگ مریک، ڈاکٹر مفتاح اسماعیل

توانائی نا زیر تکمیل پروجیکٹس آن 20 ہزار میگاواٹ بجلی دوئی کننگ مریک، ڈاکٹر مفتاح اسماعیل

اسلام آباد۔(پاکستان نیوز پوائنٹ 19اگست 2016ء) پاکستان بورڈ آف انوسٹمنٹ نا چیئرمین ڈاکٹرمفتاح اسماعیل پارینے کہ توانائی نا زیر تکمیل پروجیکٹس آن 20 ہزار میگاواٹ بجلی دوئی کننگ مریک۔ ریڈیو پاکستان آن وزیر ڈٹ بندی احسن اقبال ناکابینہ دیوان اٹی تروک آ بیان نا حوالہ ءِ ترسا اوپارے کہ پاکستان مسلم لیگ (ن) نا حکومت توانائی تنکی نا مون ءِ توننگ کن پرعزم ءِ و او برسراقتدار بننگ تون بجلی نا کیہی ڈٹ آتیا کاریم نا بناءِ کرینو۔

اوپارے کہ کراچی ٹی بجلی نا دوئی کن خلوک آ پلانٹ 2017 ء ٹی پور و مریک و ساہیوال اٹی کولا نا پلانٹ ہم ہندا سال اٹی بجلی نا فراوانی نا بناءِ کیک۔ ڈاکٹر مفتاح پارے کہ تھر اٹی خلوک آ کولا نا ڈٹ و مسہ ونڈ پاور ڈٹ 2018 ء ٹی پورو مریک۔ اوپارے کہ سندھ اٹی ہم اِرا کولاآن چلینگوک آ پلانٹس آتا بنداو تخنگ انگ ءِ و اومیت کننگ انگ ءِ ہندا غٹ ڈٹ آتا پوروی آن 20 ہزار میگاواٹ بجلی قومی گریڈ اٹی زوت اوار مریک۔