ملک اٹی لوڈشیڈنگ اٹی صفا ءُ کمتی اس بسنے،

اسلام آباد(پاکستان نیوز پوائنٹ 19اگست 2016ء) بنجائی وزیر دیر و بجلی خواجہ محمد آصف پارینے کہ ملک اٹی لوڈشیڈنگ اٹی صفاءُ کمتی اس بسنے، ہراعلاقہ غاتیٹی بجلی دزی مریک و عدم ادائیگی ارے ہموڑے لوڈشیڈنگ ہم زیات کننگک۔ جمعہ آ اسہ انٹرویو اسے ٹی اوپارے کہ نن ملک آن بجلی تنکی نا چٹفنگ کن کاریم کننگ اُن، 2018 ء نا گچین کاری تیان مست ملک آن لوڈشیڈنگ ءِ چٹفنگک۔ اوپارے کہ پاکستان مسلم لیگ (ن) نا حکومت تینا مدت ءِ پورو کیک۔ مسلم لیگ ن ہی ہمو جماعت ءِ ہرا ملک ءِ شون و شونہالی نا کسر آ دننگ کیک ہرانا ثبوت غٹ انا مون آٹی ءِ۔ اوپارے کہ ساڑی آ حکومت نا گچین و کارآمد پالیسی تا بدولت ملکی معیشت دے پہ دے سوگو مننگ ءِ ہرانا اعتراف ءِ جہانی ادارہ غاک ہم کننگ ءُ۔