اسلام آباد (پاکستان نیوزپوائنٹ17اگست2017ء) وزارت منصوبگ بندی ءُُ دیمروئی کار ءِ چیر دستی ءَ پاکستان ءِ دیمروئی سپر ءِ 70سال ءِ سرجم بوھگ ءِ پد ءَ یک روچی کانفرنس پاک چائنہ فرینڈ شپ سنٹر اسلام آباد ءَ پنچ شمبے ءِ روچ ءَ برجم دارگ بیت، ایشی ءِ تہءَ ایکسپو ءِ بندات ھم کنگ بیت کانفرنس ءَ 5سالی منصوبگ اکنامک ماڈل ءِ سر ءَ سرجمیں باست ءُُ واست کنگ بیت۔
کانفرنس ءَ اکیڈیمیا، میڈیا، صوبائی ءُُ بُنجاھی حکومت ءُُ صنعت ءِ شوبگ ءَ گوں سیادی داروکیں مردم بر زور اَنت۔ اے کانفرنس ءِ مکسد ملک ءَ دیمرؤی ءِ کار ءِ ھوالگ ءَ سول ءُُ تران آنی بندات ءُُ ھیال ریچی کنگ اِنت۔ یوان ءِ موہ ءَ بھر زورتگیں مردم آناں پاکستن ءِ کامیاتی ءُُ ”سوشو اکنامک“ ءِ نمبگ آنی بابت ءَ سرپد کنگ ھم بیت۔ کانفرنس ءَ شریکداری ءِ ھاترا بازیں یونیورسٹیز ءِ نودربر، وائس چانسلر، ماس کمیونیکیشن، سوشل سائنسز ءِ شوبگ ءِ سروک، پبلک سیکٹر، پیمرا، پریس کونسل آف پاکستا، پاکتان براڈ کاسٹنگ ایسوسی ایشن ، کارخانہ ءَ کار کنوکیں مردم، ایڈورٹائزنگ ایجنسیز، مشہور اینکرز ءُُ میڈیا چینلز ءِ میزبان آناں دعوت دیگ بوتگ۔
اے موہ پاکستان ڈویلپمنٹ ایکسپو ءَ 1947ءَ بگر تاں انوگ ءَ تاں، دیمروئی کار ءُُ منصوبگ آناں سہرا کنگ بیت۔ ایکسپو ءَ وزارت پٹرولیم، وزارت پورٹس ءُُ شیپنگ، وزارت ءِ صنعتی پیداوار آناں دلگوش کنگ بوتگ۔
