اسلام آباد(پاکستان نیوزپوائنٹ16اگست2017ء) قطبی و سویلی وزیرستان ایجنسی تیٹی 10 ارب روپئی نا خڑچ آن 4سد کلومیٹر مریس شاہراہ تا پوسکن جوڑ جاڑ و بحالی ناکاریم بروک آسال اسکان پورو کننگک۔ فاٹاسیکرٹریٹ نا ذرائع نا رداٹ بنجائی حکومت قطبی و سویلی وزیرستان ایجنسی تیٹی شاہراہ تا پوسکن جوڑ جاڑ و بحالی نا کاریم نا بناءِ کرینے، دامسخت کن 10 ارب روپئی آن زیات نا فنڈ جتا کننگانے۔
چارسد کلومیٹر مریس شاہراہ تا پوسکن جوڑجاڑ و بحالی نا کاریم بروک آ سال اسکان پورو کننگک۔ ذرائع مستی پارے کہ دا ڈٹ ہڑتوم آ ایجنسی تا الس نا سیاسی و اقتصادی حالیت اٹی گچینی کن دوررس نتیجہ اس مرتب کیک و داڑآن قطبی و سویلی وزیرستان ایجنسی تیٹی ہن و بر نا ذرائع نا گچینی اتون اوار اوار معاشی و واپاری سرجز آتیٹی ہم ودکی مریک۔
