پاکستان نا آجوئی دے انا 70 می سال دے نا دود انا وخت آ صدر مملکت ممنون حسین قومی بیرک ءِ چست کرے

پاکستان نا آجوئی دے انا 70 می سال دے نا دود انا وخت آ صدر مملکت ممنون حسین قومی بیرک ءِ چست کرے

اسلام آباد(پاکستان نیوزپوائنٹ14اگست2017ء) پاکستان نا 70 می آجوئی دے انا دود انا وخت آ صدر مملکت ممنون حسین قومی بیرک ءِ چست کرے۔ دوشنبے ناد ے داڑے جناح کنونشن سینٹر اٹی اڈ ہلوک آ دود اٹی وزیراعظم پاکستان شاہد خاقان عباسی ، چین نا نائب وزیراعظم وانگ یانگ، اسپیکر قومی اسمبلی سردار ایاز صادق، چیئرمین سینیٹ رضاربانی، چیئرمین جوائنٹ چیف آف اسٹاف کمیٹی جنرل زبیر محمود حیات، چیف آف آرمی اسٹاف جنرل قمر جاوید باجوہ ، چیف آف ایئر اسٹاف ایئر مارشل سہیل امان، چیف آف نیول اسٹاف ایڈمرل محمد ذکاء اللہ ، پارلیمان نا باسک، سفارت کار ، طالب علم آتون اوار زند انا چندی بشخ آتیان تعلق تخوک آ بندغ آک بھلو کچ اسے ٹی ساڑی ئسر۔

دود انا وخت آ قومی ترانہ و ملی نغمہ ہم خلنگا وخت اس کہ وائلن نواز استاد رئیس احمد خان ہم شاندار پرفارمنس نا درشانی ءِ کرے۔