وزیراعظم محمد نواز شریف نا ناروے نا وزیر خارجہ بورج برینڈے تون ہیت وگپ

اسلام آباد(پاکستان نیوز پوائنٹ 18اگست 2016ء) وزیراعظم محمد نوازشریف ملک آن دہشت گردی نا چٹفنگ ءِ حکومت نا اولین اولیت گوندسا پارینے کہ آپریشن ضرب عضب دہشت گردی نا انسداد اٹی بھاز سرسہب مسنے۔ حکومت کشت وکشار و صنعت آتون اوار معیشت نا غٹ اہم بشخ آتیا توجوہ تخانے، مقبوضہ کشمیر نا الس تیناآجوئی کن جہد کننگ ءُ ہرافتا حق اوفتے اقوام متحدہ ناقرارداد آتیٹی تننگانے، جہانی برادری ءِ دارداٹ تینا کڑد ءِ ادا کروئی مرے۔ پاکستان بھارت تون کشمیر نا ویل انا ایسری کن پرامن ہیت وگپ آ یخین تخک۔ اوداہیت ءِ ناروے نا وزیر خارجہ بورج برینڈے تون ہیت وگپ کرسا پارے ہراپنچ شنبے آ ڈل اتون اوار وزیراعظم ہاؤس اٹی اوڑتون اوڑدہی کرے۔