مزن وزیر محمد نواز شریف ءِ پاک چین اقتصادی راہداری ءِ ردا توانائی ءُُ بنیاتی ڈھانچہ ءِ

برجاہ منصوبہ ءِ سرا کار ءِ رفتار ءِ سرا تسلا ءِ درشانی سی پیک ءِ باروا درستیں منصوبہ آں ھستیں وھد ءَ سکی ءَ پجارینگ ءِ پنت ءُُ شون

مزن وزیر محمد نواز شریف ءِ پاک چین اقتصادی راہداری ءِ ردا توانائی ءُُ بنیاتی ڈھانچہ ءِ
برجاہ منصوبہ ءِ سرا کار ءِ رفتار ءِ سرا تسلا ءِ درشانی سی پیک ءِ باروا درستیں منصوبہ آں ھستیں وھد ءَ سکی ءَ پجارینگ ءِ پنت ءُُ شون

اسلام آباد(پاکستان نیوز پوائنٹ 18اگست 2016ء) مزن وزیر محمد نواز شریف ءَ پاک چین اقتصادی راہداری ءِ ردا توانائی ءُُ بنیاتی دھانچہ ءِ برجاہ منصوبہ جات آنی سرا کار ءِ رفتار ءِ سرا تسلا ءِ درشانی کنگ ءِ پنت ءُُ شون کرتگ انت کہ درستیں منصوبہ جات آنی ھستیں وھد ءَ سکی ءَ پیروی کنگ لوٹیت۔ پنچ شمبے ءَ مزن گِس ءَ کابینہ دیوان ءِ پاگواجہی کنگ ءَ مزن وزیر ءَ گشتگ کہ اگاں ماں برجاہ منصوبہ اجت آنی ثمر ءَ پائدگ زورگ لوٹاں گڑا توانائی ءُُ بنیاتی ڈھانچہ ءِ ضلورت ءِ ھوالہ ءَ مئے آؤکیں منصوبہ بندی اولی ترجیح بوھگ لوٹیت چوشکہ اے گپے ءَ گوستگیں حکومت آں نظر انداز کرتگ انت۔

وزیر ہاؤسنگ ءُُ تعمیرات ءَ کابینہ ءَ نجی شعبہ ءِ گوں یکجا لینڈ بینکنگ ءِ ھاتر ءَ جوائنٹ وینچر پالیسی ءِ باروا بریفنگ داتگ۔ کابینہ ءَ وزارت ءِ تجویز ءِ اصولی منظوری داتگ ءُُ ایشی ءَ دِگہ شر جوڑ کنگ ءِ پیسلہ کرتگ۔ کابینہ ءَ مجوزہ ہاؤسنگ پالیسی ءِ ھوالہ ءَ وزیر ہاؤسنگ ءُُ تعمیرات ، وزیر داخلہ، وزیر قانود ءُُ چیئر مین سی ڈی اے ءِ سرا ھوار چار باسکی کمیٹی جوڑ کرتگ۔

بنجاہی کابینہ ءَ کوڈ آف کریمینل پروسیجر ( ترمیم) ایکٹ 2016ءِ مجوزہ مسودہ بل ءِ سرا صوبہ آنی آرا گرگ ءِ پیسلہ کرتگ چوشکہ مزن وزیر ءِ نیمگ ءَ جوڑ کرتگیں قانودی گہتری کمیٹی ءَ سفارش کرتگ انت۔ کابینہ ءَ پاکستان ءُُ ترکمانستان ءِ نیام ءَ دفاعی پیداوار ءِ ایم او یو ءِ منظوری داتگ۔ پاکستان ءُُ جاپان ( جائیکا) ءِ نیام ءَ توانائی ءِ شعبہ ءِ گہتری ءِ پروگرام IIءِ ھاتر ءَ وام معاہدہ ءِ سرا دستخط ہم شریں گوست منظوری داتگ۔

کابینہ ءَ سرکاری شعبہ ءِ آڈیٹنگ ءَ کمک باروا ملائیشیا ءِ نیشنل آڈٹ ڈیپارٹمنٹ ءُُ پاکستان ءِ آدیٹر جنرل آفس ءِ نیام ءَ مفاہمت ءِ یادداشت ءِ سرا گپ ءُُ ترانءِ اصولی منظوری داتگ۔ ایشی ءَ ابید سرکاری شعبہ ءِ آڈیٹنگ ءَ کمک باروا ویتنام ءِ اسٹیٹ آڈٹ آفس ءُُ سپریم آڈٹ انسٹیٹیوشن آف پاکستان ءِ نیام ءَ دو نیمگی ایم او یو ءِ سرا دستخط ءِ ہم منظوری داتگ ۔

کابینہ ءَ اسٹیٹ بینک آف پاکستان ءُُ روس ءِ سنٹرل بینک ءِ نیام ءَ بینکاری سروکی کمک ءِ باروا ءَ ایم او یو ءِ سرا دستخط ءِ ھاتر ءَ گپ ءُُ تران بندات کنگ ءِ منظوری داتگ۔ پاکستان ءُُ ترکمانستان ءِ نیام ءَ سفارتی پاسپورٹ داروک آنی ویزہ ھلاس کنگ ءِ معاہدہ ءِ سرا دستخط ءِ ہم منظوری داتگ۔ پاکستان ءُُ قزاخستان ءِ نیام ءَ مجرم آنی بدل ءُُ سدلی ءِ باروا معاہدہ ءِ سرا دستخط ءِ ہم منظوری داتگ۔ پاکستان ءُُ کینیا ءِ نیام ءَ غیر قانودی نقل ءُُ حرکت ءُُ منشیات ءِ دارگ ءَ کمک ءِ باروا ایم او یو ءِ سرا دستخط ءِ پڑ ءَ گپ ءُُ تران بندات ءِ ہم منظوری داتگ۔