وزیراعظم محمد نواز شریف نا پاک چین اقتصادی راہداری نا رداٹ توانائی۔

بنداوی ڈھانچہ نا جاری ڈٹ آتیا کاریم نا رفتار آ است جمی نا درشان سی پیک آن بابت غٹ ڈٹ آتا تخوک آ وخت انا سختی اٹ پیروی نا پارت دیوان اٹی کیہی ایم اویوز نا منظوری تننگا

وزیراعظم محمد نواز شریف نا پاک چین اقتصادی راہداری نا رداٹ توانائی۔
بنداوی ڈھانچہ نا جاری ڈٹ آتیا کاریم نا رفتار آ است جمی نا درشان سی پیک آن بابت غٹ ڈٹ آتا تخوک آ وخت انا سختی اٹ پیروی نا پارت دیوان اٹی کیہی ایم اویوز نا منظوری تننگا

اسلام آباد(پاکستان نیوز پوائنٹ 18اگست 2016ء) وزیراعظم محمد نواز شریف پاک چین اقتصادی راہداری نا رداٹ توانائی و بنداوی ڈھانچہ نا جاری ڈٹ آتیا کاریم نا رفتار آ است جمی نادرشانی ءِ کرسا پارت کرینے کہ غٹ ڈٹ آتا تخوک آ وخت انا سختی اٹ پیروی ءِ کروئی مرے۔ پنچ شنبے آ وزیراعظم ہاؤس اٹی کابینہ دیوان نا کماشی ءِ کرسا وزیراعظم پارے کہ اگہ نن برجاء ڈٹ آتا بھرم آتیان مستفیدمننگ خوانہ تو توانائی و بنداوی ڈھانچہ نا گرج آتا بابت ننا بروک آ ڈٹ بندی اولین اولیت بایدے مرے وخت اس کہ دا ہیت ءِ مسکوہی حکومت آک نظرانداز کریر۔

وزیر ہاؤسنگ و تعمیرات کابینہ ءِ نجی بشخ اتون اواری اٹ لینڈ بینکنگ کن جوائنٹ وینچر پالیسی نا بارواٹی بریفنگ تس۔ کابینہ وزارت نا سلاہ نا اصولی منظوری ءِ تس و اودے پین گچین جوڑ کننگ نا فیصلہ کرے۔ کابینہ مجوزہ ہاؤسنگ پالیسی نا بابت وزیر ہاؤسنگ و تعمیرات ، وزیر داخلہ ، وزیر کانود و چیئرمین سی ڈی اے آ تالان چار باسکی کمیٹی اس تشکیل تس۔

بنجائی کابینہ ”کوڈ آف کریمینل پروسیجر(ترمیم ) ایکٹ 2016ء“ نا مجوزہ مسودہ بل آ صوبہ غاتا آراء ہلنگ نا فیصلہ کرے دنکہ وزیراعظم نا کنڈآن جوڑ کروک آ کانودی اصلاحات کمیٹی سفارش کرینے۔ کابینہ پاکستان و ترکمانستان نا نیام اٹ دفاعی پیداوار نا ایم او یو نا منظوری ءِ تس۔ پاکستان و جاپان (جائیکا) نا نیام اٹ توانائی نا بشخ آتا اصلاحات نا پروگرام II کن کڑز معاہدہ غا دستخط نا ہم موثر بہ ماضی منظوری تننگا۔

کابینہ سرکاری بشخ انا آڈیٹنگ اٹی کمکاری نا بارواٹی ملائیشیا نا نیشنل آڈٹ ڈیپارٹمنٹ و پاکستان نا آڈیٹر جنرل آفس نا نیام اٹ مفاہمت نا یات داشت آتیا ہیت وگپ نا اصولی منظوری ءِ تس۔ داکان بیدس سرکاری بشخ انا آڈیٹنگ اٹی کمکاری نا بارواٹی ویتنام نا اسٹیٹ آڈٹ آفس و سپریم آڈٹ انسٹیٹیوشن آف پاکستان نا نیام اٹ ہڑتوم آ کنڈآتا ایم اویوآدستخط نا ہم منظوری تننگا۔

کابینہ اسٹیٹ بینک آف پاکستان و روس انا سنٹرل بینک نا نیام اٹ بینکاری چاروکی کمکاری نا بارواٹی ایم او یو آ دستخط کن ہیت وگپ نا بناء نا منظوری تس۔ پاکستان و ترکمانستان نا نیام اٹ سفارتی پاسپورٹ تخوک آتا ویزہ ختم کننگ نا معاہدہ غا دستخط نا ہم منظوری تننگا۔ پاکستان و قزاخستان نا نیام اٹ ڈوہدار تا تبادلہ نا بارواٹی معاہدہ غا دستخط نا ہم منظوری تننگا۔ پاکستان و کینیا نا نیام اٹ غیر کانودی ہن و بر و منشیات نا توننگ اٹی کمکاری نا بارواٹی ایم اویوآ دستخط نا رداٹ ہیت وگپ نا بناء نا ہم منظوری تننگا۔