اسلام آباد (پاکستان نیوز پوائنٹ 18اگست 2016ء) وزارت ڈٹ بندی و شونتری اینخو مالی سال 2016-17 ء نا سرکاری بشخ انا شونداری پروگرام تیٹی نیشنل ہائی وے اتھارٹی نا شونداری ڈٹ آتے کن جمی وڑاٹ 18 ارب 88 کروڑ 48 لکھ روپئی آن زیات نا فنڈز جاری کرینے۔ حکومت اینخو مالی سال اٹی نیشنل ہائی وے اتھارٹی نا شونداری کاریم تے کن اسہ کھرب 88 ارب روپئی نا فنڈز جتا کرینے۔
پلاننگ کمیشن نا جاری کروک حساب وکتاب نا ردا ٹ حکومت چین پاکستان اقتصادی راہداری ڈٹ انا بسیمہ آن خضدار روٹ اکن 26کروڑ، اسلام آباد آن پشاور موٹروے کن 5کروڑ، مانسہرہ آن ناران روڈ انا جوڑ جاڑ کن 5 کروڑ، لاہور آن عبدالحکیم سیکشن نا جوڑ جاڑ کن 6 ارب 80 کروڑ، ملتان سیکشن نا جوڑ جاڑ کن 60 کروڑ، سکھر بائی پاس کن 10 کروڑ، نیو اسلام آباد بالی پٹ لنک روڈ اکن 60 کروڑ، تھاکوٹ آن حویلیاں سیکشن نا جوڑ جاڑ کن 37 کروڑ، برہان آن حویلیاں سیکشن نا جوڑ جاڑ کن 23کروڑ، برہان آن ہکلہ سیکشن نا جوڑ جاڑ کن 35کروڑ، خوشاب ٹو سراب روڈ نا جوڑ جاڑ کن 80 کروڑ روپئی تون اوار کیہی شونداری ڈٹ آتے کن فنڈز جاری کرینے۔
