کوئٹہ(پاکستان نیوز پوائنٹ 18اگست 2016ء) وزیر مملکت پٹرولیم و قدرتی وسیلہ جام کمال خان پارینے کہ مچ آ بلوچستان نا نرینہ و نیاڑی و ورناتا جشن آجوئی نا دود آتیٹی پبی وڑاٹ شرکت کرسا ثابت کرینو کہ پاکستان و بلوچستان لازم و ملزوم ءُ چمن آن ہلیس گوادر اسکان و ژوب آن ہلیس لسبیلہ اسکان آجوئی نا دود آتیٹی راج انا غٹ تپہ غاتا خلقت آتا جوش و خروش اٹ شرکت بھارتی مکروہ عزم ءِ بے سہب جوڑ کرینو۔
داخیال آتا درشانی ءِ او صحافی تتون ہیت وگپ کرسا کرے۔ وزیر مملکت جام کمال خان پارے کہ تحریک آجوئی ٹی بلوچستان نا پشتون بلوچ سیاسی سرکڑدہ جفاکش و خواری کش بلوچ الس قائد اعظم محمد علی جناح تون پبی تفیر ، داسا گرج داہیت انا ءِ کہ تینا بزرگ آتا قربانی تا تسلسل ءِ برقرار تخسا وطن عزیز نا جوڑ جاڑ و شون اٹی تینا پبی کڑد ءِ ادا کننگے۔ اوپارے کہ بلوچستان اٹی بنجائی حکومت نا کمک آن صوبہ نا شون و شونہالی کن میگا پروجیکٹ آ کاریم جاری ءِ۔ بلوچستان نا پوریاگر سول سوسائٹی تون اوار غٹ تپہ غاتا خلقت آک صوبہ نا شون بحالی امن و دہشت گردی نا چٹفنگ کن حکومت و کانود نافذکروک آ ادارہ غاتون سلوک ءُ۔
