کوئٹہ۔(پاکستان نیوز پوائنٹ 18اگست 2016ء) گورنر بلوچستان محمد خان اچکزئی پارینے کہ پاک چین اقتصادی راہداری ڈٹ انا پوروی آن سویلی نیامی ایشیا معاشی و واپاری سرجزآتا بنجاء جوڑ مریک و سی پیک ءِ اوغانستان نا کمک اٹ نیامی ایشیاء اسکان ودیکی تننگ نہ صرف ہڑتوم آ ملک بلکن ڈیہہ نا شون و شونہالی کن مفید ثابت مریک۔ پاکستان و اوغانستان نا نیام اٹ تین پہ تینی اقتصادی واپاری و دودوربیدہ تعلقداری تیٹی پین ودکی وخت انا اہم گرج ءِ۔
داہیت ءِ او پاکستان اٹی تعینات اوغان سفیر ڈاکٹر عمر زاخیل وال تون ہیت وگپ کرسا پارے ہرا گورنر ہاؤس کوئٹہ ٹی اوڑتون اوڑدہی کرے۔ گورنر محمد خان اچکزئی پارے کہ پاکستان و اوغانستان ہڑتوم آ برادر و ہمسایہ ملک ءُ۔ ہڑتوم آ ملک آتا نیام اٹ تین پہ تینی اشتراک و کمک نا نتیجہ ٹی اسیجائی شونہال آخبت ءِ باوری جوڑ کننگ مریک، پاکستان و اوغانستان اٹی امن نا اڈتننگ اسہ ایلو نا گرج ءِ۔
داوخت آ اوغان سفیر ڈاکٹر عمر زاخیل وال پارے کہ سردست اسہ لکھ پاکستانی شاری اوغانستان اٹی کاریم کننگ ءُ ہنداخاطران پاک چین اقتصادی راہداری ڈٹ ءِ اوغانستان نا کمک اٹ نیامی ایشیا اسکان ودکی تننگ نا دروشم اٹی اونا افادیت دگنا مریک۔ پاکستانی مصنوعات آتے کن نیامی ایشیاخاص کر اوغانستان اسہ کٹیا کروک مارکیٹ اس ثابت مننگ کیک وخت اس کہ ہڑتوم آ ملک آتا نیام اٹ معاشی و واپاری سرجزآتے مون آ درسا منفی سرجزخاص کر دہشت گردی ناہم مون ءِ توننگ مریک۔
