بنجائی کابینہ نا مچ آ ملک اٹی دہشت گردی نا نشانہ جوڑ مروک آ بندغ آتا خاہوت آتے کن جامع پالیسی اس وضع کننگ نا فیصلہ

اسلام آباد(پاکستان نیوز پوائنٹ 18اگست 2016ء) بنجائی کابینہ مچ آملک اٹی دہشت گردی نا نشانہ جوڑ مروک آ بندغ آتا خاہوت آتے کن جامع پالیسی اس وضع کننگ نا فیصلہ کرینے۔ پنچ شنبے آ وزیراعظم ہاؤس اٹی کابینہ دیوان نا کماشی ءِ کرسا وزیراعظم محمد نواز شریف شہید آتا خاہوت آتا شرحالی ءِ باوری جوڑ کننگ کن جامع پالیسی اس مرتب کننگ نا پارت کرے۔ اوشہید آتا چناتے کن تعلیم و روزگار نا ڈٹ وضع کرسا کابینہ نا روبرو پیش کننگ نا ہم پارت کرے۔

وزیراعظم پارے کہ دہشت گردی نا نشانہ جوڑ مروک آتے کن نیشنل انڈومنٹ فنڈ انا اڈتننگ نا فزیبلٹی نا ہم زوت آن زوت جاچ ءِ ہلنگے۔ داکان مست کابینہ کوئٹہ سول ہسپتال اٹی دہشت گردی نا المناک واقعہ ٹی تپاخت کروک آ بندغ آتے کن فاتحہ خوانی کرے۔ دیوان اٹی نجی بشخ اتون اشتراک کار آن لینڈ بینکنگ کن جوائنٹ وینچر پالیسی و پاک چین اقتصادی راہداری آ بریفنگ تون اوار کیہی ایجنڈہ آئٹمز زیر غور ءُ۔