کوئٹہ(پاکستان نیوز پوائنٹ 17اگست 2016ء) ڈپٹی میئر کوئٹہ میٹرو پولیٹن کار پوریشن محمد یونس ءَ گشتگ انتکہ سر وزیر بلوچستان نواب ثناء اللہ خان زہری ءِ ھاسیں پنت ءُُ شون ءِ سرا صوبہ ءِ دومی شہر آنی وڑ ءَ کوئٹہ ءَ ہم صفائی ءِ ھاسیں مہم تیزی ءَ برجاہ انت۔ اُلس ءَ زوت ساپ شہر ءِ تحفہ بہ دیاں۔ اے گپ آئی ءَ اے پی پی ءِ گوں گپ ءُُ ترانکنگ ءَ کرتگ۔ آئی ءَ گشتگ کہ کوئٹہ ءَ ساپ جوڑ کنگ ءُُ آئی ءِ دود ءُُ ربیدگی براھداری ءِ بحالی ءِ ھاترءَ کارپوریشن ءِ عملہ شہر ءِ لہتیں دمگ ءَ گچین بلدیاتی نائندگ ءِ سروکی ءَ شپ ءُُ روچ کار کنگ ءَ انت۔
آئی ءَ گشتگ کہ بازیں کپتگیں کچرہ زرت انت چوشکہ نالی گلی ءِ صفائی ءِ کار ہم تیزی ءَ برجاہ انت۔ڈپٹی میئر ءَ گشتگ کہ شہر ءِ لہتیں شاہرگ آنی براھداری ایل این ڈی لائیٹس جنئگ ءَ انت ءُُ کوئٹہ شہر ءِ شکل تیزی ءَ بدل کنگءَ انت۔ آئی ءَ گشتگ کہ کوئٹہ ءِ شہری ءُُ ھاس کن دکاندار آں دست بندی انت کہ وتی شہر ءَ ساپ ایر کنگ ءِ کوشست ءَ سرجمی ءَ کمک بہ کن انت۔ آئی ءَ گشتگ کہ مئے کل آنی شہر انت ءُُ کل یکجا بوھگ ءَ ایشی ءَ شریں وڑ ءَ بحال بہ کن انت ءُُ ایشی ءَ صاف بہ دار انت۔
