اسلام آباد۔(پاکستان نیوز پوائنٹ 17اگست 2016ء) وزیر داخلہ چوہدری نثار علی خان ءَ گشتگ انت کہ کراچی ءَ مہلوک ءَ زورگ ءِ ھوالہ ءَ صوبائی حکومتءَ پسو گرگ ءَ ایوان ءَ آگاہ کنگ بیت۔ ڈی جی رینجرز ءَ ہم اے سلسلہ ءَ وت گپ بہ کناں ءُُ ایشی ءِ پٹ ءُُ پول ہم کنگ بہ بیت۔ چار شمبے ءَ بنجاہی اسمبلی ءِ دیوان ءَ ایم کیو ایم ءِ باسک اقبال محمد علی خان ءَ نکتہ اعتراض ءِ سرا گشتگ کہ کراچی ءَ مئے ہشت کارندہ آں گوستگیں روز زرتگ انت۔
وزیر داخلہ ایشی ءِ نوٹس گپتگ آئی ءِ سرا سپیکر ءَ گشتگ کہ اے صوبائی معاملہ انت ءُُ صوبائی حکومت ءَ گپ بہ کناں۔ اقبال محمد علی خان ءَ گشتگ کہ اے تعصبانہ کارروائی انت۔ ایشی ءِ پسو ءَ وزیر داخلہ چوہدری نثار علی خان ءَ گشتگ کہ فاضل باسک ءَ ہر چنکس گشتگ انت اگاں آ درست انت گڑا قابل زار شانی انت۔وزیر داخلہ ءَ گشتگ کہ سپیکر ءِ گشگ درست انت کہ اے صوبائی مسئلہ انت پدا ہم ایوان ءَ کجام وھد ءَ ہرمسئلہ بہ زور انت ایشی ءِ پسو آھگ لوٹیت۔
وزیر داخلہ ءَ گشتگ کہ تاں باندا وھد بہ دئیت۔ سندھ ءِ صوبائی کومت ءُُ ڈی جی رینجرز ءَ آ وت گپ بہ کنت۔ ایشی پٹ ءُُ پول بہ کنت مارا دومی نیمگءَ نکتہ نظر معلوم کنگی انت۔ وزیر داخلہ ءَ گشتگ کہ کرسی آؤک ءُُ روکیں چیز انت ماں اللہ ءَ پسو بہ دئینت رینجرز وفاق ءِ فورس انت بلے کراچی ءَ آ صوبائی حکومت ءِ ماتحت کار کنت، رینجرز یا پولیس ءَ ہر وڑ ءَ آپریشن کنگی انت اے صوبائی حکومت ءِ کار انت بلے سیاسی، اخلاقی ، آئینی ءُُ قانودی وڑ ءَ ہر چنکس کرت بہ کناں آ بہ کناں۔
