ناصر جنجوعہ ءِ ہرا زمہ واری تننگا نے او اوفتیا ضرور پورو سلک، امیر مقام

اسلام آباد(پاکستان نیوز پوائنٹ 17اگست 2016ء) وزیراعظم نا سلاہکار امیر مقام پارینے کہ نیکٹا و دہشت گردی نا بابت ناصر جنجوعہ ءِ ہرا زمہ واری تے تننگانے او اوفتیا پورو سلک، وزیرداخلہ ءِ وزارت کن کاریم کننگ نا داسا زیات وخت ملک۔ چارشنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ کابینہ نا باسک آک وزیراعظم نا سروکی ٹی اسہ ٹیم اسے نا بشخ ءُ۔ نیکٹا و دہشت گردی نا بابت وزیراعظم ہرا زمہ واری تے قومی سلامتی نا سلاہکار ناصر جنجوعہ ءِ تسنے او اوفتیا پورو سلک، واک آتا بشخ وپانٹ مرسا کیک۔ اوپارے کہ وزیر داخلہ تون اگہ دا زمہ واری مف تو اودے داکان بیدس وزارت و ایلو زمہ واری تے پورو کننگ کن زیات وخت ملک۔