حکومت نا کوشست ءِ کہ احتساب نا ہندن ءُ کانود اس مرے ہرا غٹ انا احتساب ءِ کے، عابد شیر علی

حکومت نا کوشست ءِ کہ احتساب نا ہندن ءُ کانود اس مرے ہرا غٹ انا احتساب ءِ کے، عابد شیر علی

اسلا م آباد(پاکستان نیوز پوائنٹ 17اگست 2016ء) وزیر مملکت دیر و بجلی عابد شیر علی پارینے کہ حکومت نا کوشست ءِ کہ احتساب نا ہندن ءُ کانود اس مرے ہرا غٹ انا احتساب ءِ کے ، ہچ گہس اوڑآن بالاتر مف تانکہ کرپشن نا باب ہمیش کن بند مننگ کے۔ چارشنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ وزیراعظم نا مسکوہی ٹی ہم احتساب مرسا کرے، طیارہ ہائی جیکنگ نا دروغ نا مقدمہ اس جوڑ کرے و اودے خاہوت تون اوار جلاوطن ہم کننگا ولداہم وزیراعظم آ اسہ روپئی سے نا ہم کرپشن ثابت مننگ کتو، ملک انا تاریخ اٹی اولیکو وار اسہ وزیراعظم اسے نا احتساب مروئے ہرا مسلم لیگ (ن) نا احتساب نا واضح مثال ءِ۔

اسہ سوج اسے نا ورندی ٹی اوپارے کہ تحریک انصاف اسلام آباد نا دھرنہ غان ہراجن ءِ کشوئی ئس کشا وخت اس کہ لاہور اٹی ہم باٹی کنیک۔