اسلام آباد(پاکستان نیوز پوائنٹ 17اگست 2016ء) مسلم لیگ (ن) نا راہشون قومی اسمبلی ڈاکٹر رمیش کمار پارینے کہ اوغان مہاجر آتے بین الاقوامی کانود نا رداٹ پناہ تس داسا اوغانستان اٹی امن و ایمنی نا حالیت آک گچین مسنو ، اوفتے تینا وطن آ پدی ہنوئی مرے۔ چارشنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ پاکستان تون اوغانستان نا سریس بارڈر ءِ، نن ملکی سیکورٹی حالیت آتا رداٹ بارڈر آن غیر کانودی وڑاٹ پاکستان آ بروک آ مہاجر آتے تورینے ہرا ملک اٹی دہشت گردی و ایلو ڈوہ تے ٹی اوارو۔
اوپارے کہ رجسٹرڈ اوغان مہاجر آتے ملک اٹی بین الاقوامی کانود نا رداٹ پناہ نا اجازت ءِ ولے غیر رجسٹرڈ اوغان مہاجر آتے رضاکارانہ وڑاٹ ملک آن پدی تینا وطن آ ہنوئی مرے۔ اوپارے کہ داسا اوغانستان اٹی امن وایمنی نا حالیت آک مست آن بھاز گچین مسنو ہنداخاطران مہاجر آتے تینا وطن آ پدی ہنوئی مرے۔
