اسلام آباد (پاکستان نیوز پوائنٹ 17اگست 2016ء) وزیراعظم نا سلاہکار قومی تاریخ و ادبی میراث عرفان صدیقی چارشنبے آ سینئر صحافی و نظریہ پاکستان کونسل نا سرپرست اعلیٰ زاہد ملک نا جان پڑسی کن اونا دفتر آ ہنا۔ عرفان صدیقی زاہد ملک نا جان جوڑی نا بابت اوڑآن ہریفے و نیک است خواہی نا درشانی ءِ کرسا اودے پھل آتا دستہ اس ہم تس۔ عرفان صدیقی اونا پورو و زوت جان جوڑی نا دعا کرسا پارے کہ او مسکوہی آمبار پین وخت اس ہم قائد اعظم نا افکار نا روشنی ٹی نظریہ پاکستان کن ہنداوڑ کاریم کرسا کیک ۔
زاہد ملک سلاہکار وزیراعظم نا منت واری ءِ ادا کرے و چین اٹی تینا درمان نا بابت سرجم احوال آتیان معلومدار کرے۔ داوخت آ وزیراعظم نا سلاہکار عرفان صدیقی تینا کالم آتیا تالان پوسکنا کتاب ’کالم کہانی ‘ نا اسہ نسخہ زاہد ملک ءِ پیش کرے۔
