کوئٹہ نا روایتی زیبائی نا بحالی کن کاریم ترندی اٹ جاری ءِ، محمد یونس بلوچ

کوئٹہ نا روایتی زیبائی نا بحالی کن کاریم ترندی اٹ جاری ءِ، محمد یونس بلوچ

کوئٹہ۔(پاکستان نیوز پوائنٹ 17اگست 2016ء) ڈپٹی میئر کوئٹہ میٹروپولیٹن کارپوریشن محمدیونس بلوچ پارینے کہ وزیراعلیٰ بلوچستان نواب ثنا ء اللہ خان زہری نا خصوصی پارت آ صوبہ نا ایلو شارتیامبار کوئٹہ ٹی ہم صفائی نا خصوصی مہم ترندی اٹ جاری ءِ ، الس ءِ زوت صاف ستھرا شار اس ٹیکی اٹ ایتنہ۔ داہیت ءِ او ”اے پی پی “ تون ہیت وگپ کرسا پارے، اوپارے کہ کوئٹہ ءِ صاف ستھرا جوڑ کننگ و اونا روایتی زیبائی نا بحالی کن کارپوریشن نا عملہ شار انا کیہی علاقہ غاتیٹی گچین بلدیاتی نمائندہ غاتا چاروکی ٹی دے و نن کاریم کننگ ءُ۔

اوپارے کہ بھلو وخت اسے نا تموک کچرہ غاتے تلف کننگ انگ ءِ وخت اس کہ نالی ، گلی تا صفائی نا کاریم ہم ترندی اٹ جاری ءِ۔ ڈپٹی میئر پارے کہ شار انا کیہی شاہراہ تیا زیباایل ای ڈی لیٹس خلنگ انگ ءِ و کوئٹہ شار انا دروشم ترندی اٹ بدلینگ انگ ءِ۔ اوکوئٹہ نا شار و خاص وڑاٹ دوکاندار آتیان خواست کرے کہ تینا شار ءِ صاف ستھرا تخنگ نا کوشست آتیٹی پبی کمک کیر۔ اوپارے کہ ننا غٹ انا شار ءِ و غٹ اواری اٹ داگم مروک آ حسن ءِ بحال کننگ کینہ و اودے صاف ستھرا تخنگ کینہ۔