اسلام آباد(پاکستان نیوز پوائنٹ 17اگست 2016ء) قومی اسمبلی ءِ پاننگانے کہ بنجائی نا بست و بند اٹی قبائلی علاقہ غاتیٹی احتساب نا بابت آن غٹ تر زمہ داری تے پولیٹیکل ایجنٹس آک سرانجام ایترہ، دا علاقہ غاتیٹی نیب یا ایلو ادارہ غاتا دائرہ کار اف۔ چارشنبے آ قومی اسمبلی نا دیوان اٹی قیصر جمال نا فاٹا ٹی خننگوک آ بدعنوانی آن بابت توجوہ مبذول نوٹس نا ورندی ءِ ترسا پارلیمانی سیکرٹری شاہین شفیق پارے کہ فاٹا ٹی نیب و ایلو احتساب ناادارہ اف، ہموڑے غٹ تر انتظامی کڑد پولیٹیکل ایجنٹس آتا ءِ۔
قیصر جمال پارے کہ نیب انا دائرہ کار ءِ فاٹا سکان ودکی تننگک و ہراکمیٹی ءِ اڈتننگ انگ ءِ اوٹی دا ویل ءِ تخنگے۔ پارلیمانی سیکرٹری پارے کہ فاٹا نا اصلاحات کمیٹی اڈ ہلکونے۔ سرتاج عزیز اونا سروک ءِ۔ عاقب اللہ نا سوج انا ورندی ٹی پارلیمانی سیکرٹری شاہین شفیق پارے کہ فاضل باسک بدعنوا ن افسرآتا پیدواری ءِ کے، اوفتا برخلاف کارروائی کننگک۔
