اسلام آباد(پاکستان نیوز پوائنٹ 17اگست 2016ء) نیشنل الیکٹرک پاور ریگولیٹری اتھارٹی (نیپرا) تہوآن بجلی ودی کننگ نا 50 میگاواٹ نا ڈٹ آتے کن جنریشن لیسنس جاری کننگ کن درخواست منظور کرینے۔ وزارت دیر وبجلی نا ذرائع نا رداٹ2006ء ٹی ایران نا کمپنی سونیئر کونے جھم پیر اٹی 50میگاواٹ نا ڈٹ خلنگ اٹی است خواہی نا درشانی کریسس۔ 2010 ء ٹی ایران پاک پاور پرائیویٹ لمیٹڈ سندھ زرکاری بورڈ اتون اسہ مفاہمت نا یات داشت اسے آ دستخط کریسس اوکان گڈ سروے و ڈغار نا دوئی نا عمل نا بناء مس ، سندھ حکومت 2011 ء ٹی ڈغار الاٹ کرے ولے ڈغار نا کوزہ و ایلومعاملہ غاتے گڈیکو دروشم تننگ متو ہرانا سوب آن داڈٹ ہرے نا گواچی مس۔
اوکان گڈ اکتوبر 2013ء ٹی 10 سال نا ہرے آن پد کمپنی داسا دُوارہ جنریشن لیسنس کن درخواست جمع کرفینے۔ ڈٹ آن اکتوبر 2017 ء ٹی پیداوار شروع مننگ نا گمان ءِ و اوڑآ خڑچ انا جمی تخمینہ 11کروڑ 28 لکھ ڈالر خلنگانے۔
