اقتصادی راہداری ڈٹ آن بلوچستان نا اہمیت ودانے،

اسلام آباد(پاکستان نیوز پوائنٹ 17اگست 2016ء) مسلم لیگ (ن) نا راہشون و قومی اسمبلی نا باسک چوہدری اسد الرحمان پارینے کہ اقتصادی راہداری نا ڈٹ آن بلوچستان نا اہمیت ودانے، پاکستانءِ تہہ نا خلیس آتیا توجوہ تروئی مریک، بلوچستان اٹی بھارتی تخریب کاری و نیام تمنگ نا ثبوت ساڑی ءِ۔ چارشنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ پاک چین اقتصادی راہداری ڈٹ آن ملک معاشی شون ہلیک وخت اس کہ الس ءِ روزگار نا وارخواہی دوبریک، دا ڈٹ آن بلوچستان نا محرومی تا خاتمہ مریک وخت اس کہ ڈٹ آن بلوچستان نا اہمیت پین ودانے۔

اوپارے کہ ساڑی آحالیت آتیٹی پاکستان ءِ تہہ نا خلیس آتیا توجوہ تروئی مریک، ننے ملکی شون اکن یکجا مرسا مون آ ہنوئی تمک۔ اوپارے کہ بلوچستان اٹی بھارتی تخریب کاری و نیام تمنگ نا صفاثبوت ساڑی ءِ، اولیکو وار بھارتی ملٹری آفیسر بلوچستان آن ہلنگانے ، بھارتی نیٹ ورک ءِ پرغنگ کن سرتوڑ کوشست کروئی مریک ۔ اوپارے کہ بھارت بوکھلاہٹ نا گواچی ءِ ، مقبوضہ کشمیر اٹی آجوئی نا تحریک پین زیات مننگ ءِ ہرانا سوب بھارتی وزیراعظم بے سروپا بیان تننگ اٹی ءِ۔