اسلام آباد(پاکستان نیوز پوائنٹ 17اگست 2016ء) قومی اسمبلی متفقہ وڑاٹ نیب آرڈیننس آ نظرثانی کن 20 باسکی پارلیمانی کمیٹی نا اڈتننگ نا واک اسپیکر ءِ تننگ نا تحریک ءِ منظور کرے۔ دانا رداٹ چیئرمین سینیٹ نا صلابت آن نیب آرڈیننس آ نظرثانی کن سفارشات نا تیاری کن 20 باسکی کمیٹی اس اڈتننگک۔ چارشنبے آ قومی اسمبلی نا دیوان نا وخت آ بنجائی وزیر زاہد حامد تحریک پیش کرے کہ داایوان اسپیکر قومی اسمبلی ءِ دا واک ءِ ایتک کہ قومی اسمبلی و سینیٹ نا اسیجائی کمیٹی اڈتننگ نا واک ایتک تانکہ او چیئرمین سینیٹ نا صلابت آن نیب آرڈیننس آ نظرثانی کن سفارشات آتا تیاری کن 20 باسکی کمیٹی اس اڈتننگے۔
کمیٹی تینا اڈہلنگ نا مسہ تو انا تہہ ٹی شفارشات آتے ایوان اٹی پیش کیک۔ قومی اسمبلی تحریک نامنظوری ءِ تس۔
