اسلام آباد(پاکستان پوائنٹ نیوز20جولائی2017) گدرینگوک آ مالی سال انا اولیکو 11 تُو اٹی ملک اٹی جیپ و کارتا پیداوار اٹی جم وڑاٹ 6.28 درسد ودکی ریکارڈ کننگا۔ ادارہ شماریات نا کنڈآن جاری کروک حساب وکتاب نا رداٹ جولائی 2016ء آن ہلیس مئی 2017ء اسکان ملک اٹی جم وڑاٹ اسہ لکھ 78 ہزار 944 کار و جیپ تیار کننگا وخت اس کہ داڑتون پیوستہ سال اٹی دا کچ اس لکھ 68 ہزار 363یونٹس ریکارڈ کننگاسس۔
سالانہ بنداو تیا مئی 2017ء ٹی کارو جیپ آتا پیداوار اٹی جم وڑاٹ 19.35درسد ودکی مسنے، مئی 2016ء ٹی جم وڑاٹ 15ہزار 161یونٹس تیار مسر وخت اس کہ مئی 2017ء ٹی دا کچ 18 ہزار 94 یونٹ سلیس۔ داوخت اٹی موٹرسائیکل آتا پیداوار اٹی 21.85درسد ودکی ریکارڈ کننگا، وخت اس کہ بس و ٹرک آتا پیداوار اٹی ودکی نا کچ بالترتیب 4.93و 40.26 درسد سلیس۔ ٹیکٹر آتا پیداوار نا کچ اٹی 59.5 درسد ودکی ریکارڈ کننگا ولے دانا برعکس لائٹ کمرشل و ہیکل آتا پیداوار اٹی 31.83درسد نا کمتی خننگ اٹی بس۔
