اسلام آباد(پاکستان نیوزپوائنٹ 16اگست 2016ء) پیٹرولیم ءُُ قدرتی وسیلگ ءِ وزیر مملکت جام کمال ءَ گشتگ انت کہ مزن وزیر ءِ ھلاپ پاکستان تحریک انصاف ءِ نیمگ ءَ دائرہ ریفرنس ءَ وزن نیست، تحریک انصاف سیاسی مہم چلائینگ ءَ انت، بلوچستان ءَ بھارتی دست مان کنگ ءِ واضح ثبوت ھست انت۔ سے شمبے ءَ پارلیمنٹ گِس ءِ دیما میڈیا ءِ گوں گپءُُ تران کنگ ءَ آئی ءَ پاکستان تحریک انصاف ءِ نیمگ ءَ دائر ریفرنس ءَ ھچ حقیقت نیست ءُُ نہ چہ آئی ءَ ھچ وزن ھست انت۔
تحریک انصاف الما سیاسی مہم چلائینگ ءَ انت۔ پی ٹی آئی ناکار گیم لیب کنگ ءَ انت۔ آئی ءَ گشتگ کہ بلوچستان پاکستان ءِ ہمے وڑ بہر انت کجام وڑ ءَ ملک ءِ دومی بہر انت۔ بلوچستان ءِ اُلس ءَ 14اگست جوش ءُُ جبزگ ءِ گوں گوازینگ انت۔ آئی ءَ گشتگ کہ بلوچستان ءَ بھارتی دست مان کنگ ءُُ نا شرکاری ءِ واضح ثبوت است انت۔ گوستگیں لہتیں روچ آں مقبوضہ کشمیر ءَ بھارتی فوج ءِ دست انسانی حقوق ءِ سکیں پامالی ءِ سرا امریکہ ءُُ اقوام متحدہ ءِ نیمگ ءَ رد عمل آتکگ آئی ءِ آسر ءَ بھارت پاکستان ءِ ھلاپ بلوچستانءُُ گلگت بلتستان ءِ ھوالہ ءَ بیان دئیگ ءَ انت۔ آئی ءَ گشتگ کہ پاکستان کشمیری آنی اخلاقی، سیاسی ءُُ سفارتی حمایت برجاہ بہ داریت۔
