راولپنڈی۔(پاکستان نیوزپوائنٹ 16اگست 2016ء) بری فوج انا سروک جنرل راحیل شریف میجر جنرل عابد مجید ، ڈی آئی جی فیاض سنبل ، آئی ایس آئی نا انسپکٹر کامران نذر آ جلہو، فرقہ وارانہ ، شاری تا لس خون و سیکورٹی کارندہ غاتا برمتہ و خون اتون اوار دہشت گردی نا ایلو سنگین کارروائی تیٹی اوار پین 11 دہشت گرد آتا سزائے موت نا توثیق ءِ کرینے، دادہشت گرد آتے مواصلاتی نظام، تعلیمی ادارہ غاتے بھس کننگ ، پاک فوج ، سیکورٹی فورسز آتیا جلہو آتا منصوبہ بندی و جلہو کننگ اٹی براہ راست اوار مننگ آ فوجی عدالت آک سزائے موت تسوسر۔
پاک فوج انا شعبہ تعلقات عامہ (آئی ایس پی آر) نار داٹ سے شنبے آ آرمی چیف جنرل راحیل شریف پین 11 دہشت گرد آتا سزائے موت نا باقاعدہ توثیق ءِ کرینے۔ آئی ایس پی آر آن جاری سرجم احوال آتارداٹ ضیاء الحق ولد ولی خان تحریک طالبان پاکستان نا متحرک کارندہ اس ئس ہرا خودکش جلہو اٹی اوار ئسک دا خودکش جلہو نا نتیجہ ٹی چندی بندغ آک تپاخت و ٹھپی مسوسر۔
دادہشت گرد کانود نافذ کروک آ ادارہ غاتیا جلہو آتیٹی ہم اوارئس ہراٹی ڈپٹی انسپکٹر جنرل پولیس فیاض سنبل ، اے ایس آئی رضاخان ، انسپکٹر کامران تون اوار پولیس نا ایلو ورناتا خون ءِ کننگ و فرقہ وارانہ خون نا واردات آک اوارو۔ مجسٹریٹ نا مون آ اعتراف جرم کننگ آ عدالت 12دوبہ ثابت مننگ آ پاہو نا سزا بنفیسس۔ فضل ربی ولد فضل غفور تحریک طالبان پاکستان نا متحرک کارندہ اس ئس ۔
دا شاری تے تڑنگ نا سنگین کارروائی تیٹی اوار ئس داکان بیدس دا دہشت گرد سلہہ بند فوج آ جلہو آتیٹی ہم اوار ئس ہرانا نتیجہ ٹی میجر جنرل عابد مجید تون اوار چندی بندغ تپاخت و ٹھپی مسوسر۔ دادہشت گرد گرلز اسکول آتے بھس کننگ نا کارروائی تیٹی ہم اوارئس۔ مجسٹریٹ نا مون آ اعتراف جرم کرے ہراڑآ فوجی عدالت 5دوبہ غاتا ثابت مننگ آ اودے پاہو نا سزا بنفیسس۔
محمد شیر ولد زارے تحریک طالبان پاکستان نا متحرک کارندہ اس ئس۔ دا لس شاری تا خون ءِ کننگ، سلہہ بند فوج آ جلہو آتیٹی اوار ئس ہراٹی چندی بندغ تپاخت و ٹھپی مسوسر۔ دادہشت گرد مڈل گرلز اسکول آتے بھس کننگ نا کارروائی تیٹی ہم اوارئس۔ مجسٹریٹ نا مون آ تینا زی آ خلوک آ غٹ دوبہ غاتا اعتراف ءِ کرے ہراڑآ فوجی عدالت اودے5دوبہ غاتا ثابت مننگ آ پاہو نا سزا بنفیسس۔
عمر زادہ ولد گل رحمان تحریک طالبان پاکستان نا متحرک کارندہ اس ئس۔ دا سلہہ بند فوج آ جلہو آتیٹی اوار ئس ہراٹی کیہی بندغ آک تپاخت و ٹھپی مسوسر۔ مجسٹریٹ نا مون آ غٹ دوبہ غاتا اعتراف ءِ کرے ہراڑآ فوجی عدالت مسہ دوبہ غاتا ثابت مننگ آ پاہو نا سزا بنفے۔ لطیف الرحمان ولد سیف الرحمان تحریک طالبان پاکستان نا متحرک کارندہ اس ئس ۔ داکانود نافذ کروک آ ادارہ غاتا کارندہ غاتا برمتہ و خون و سلہہ بند فوج آ جلہو نا کارروائی تیٹی اوارئس۔
مجسٹریٹ نا مون آ اعتراف جرم کننگ آ 5دوبہ غاتیا پاہو نا سزا بنفنگاسس۔ محمد عادل ولد اکبر جان تحریک طالبان پاکستان نا متحرک کارندہ اس ئس۔ دا ایف سی نا ورناتے برمتہ کرسا اوفتے تڑنگ نا کارروائی تیٹی اوار ئس۔ دادہشت گرد مٹہ نا پویس اسٹیشن ءِ بھس کننگ اٹی اوار ئس۔ مجسٹریٹ نا مون آ اعتراف جرم کننگ آ ٹرائل کورٹ اودے 5 دوبہ غاتا ثابت مننگ آ پاہو نا سزا بنفیسس۔
اسرار احمد ولد عبدالرحیم جان تحریک طالبان پاکستان نا متحرک کارندہ اس ئس۔ دا سلہہ بند فوج آ جلہو آتیٹی اوار ئس سلہہ بند فوج انا ورنا ک تپاخت و ٹھپی مسوسر۔ دادہشت گرد پی ٹی ڈی سی نا ہوٹل و گرلز پرائمری اسکول آتے بھس کننگ اٹی براہ راست اوار ئس۔ مجسٹریٹ نا مون آ اعتراف جرم کننگ آ 4دوبہ غاتا ثابت مننگ آ فوجی عدالت پاہو نا سزا بنفیسس۔ عبدالمجید ولد کہونہ مولاتحریک طالبان پاکستان نا متحرک کارندہ اس ئس۔
دا سلہہ بند فوج آتیا جلہو آتیٹی اوار ئس ہراٹی چندی ورناتپاخت و ٹھپی مسوسر۔ دا پی ٹی ڈی سی نا ہوٹل ءِ بھس کننگ نا کارروائی ٹی ہم اوار ئس۔ مجسٹریٹ نا مون آ اعتراف جرم کننگ آ 3 دوبہ غاتا ثابت مننگ آ اودے پاہو نا سزا بنفنگاسس۔ حضرت علی ولد فضل ربی تحریک طالبان پاکستان نا متحرک کارندہ اس ئس۔ او دھماکہ خیز ڈیوائس نا کمک اٹ سلہہ بند فوج آ جلہو کرے۔
مجسٹریٹ نا مون آ اعتراف جرم کننگ آ ٹرائل کورٹ اودے پاہونا سزا بنفیسس۔ میاں سید اعظم ولد میاں سید جعفر تحریک طالبان پاکستان نا متحرک کارندہ اس ئس۔ دا سلہہ بند فوج و کانود نافذ کروک آ ادارہ غاتیا جلہو آتیٹی اوار ئس ہراٹی کیہی بندغ آک تپاخت و ٹھپی مسوسر۔ دادہشت گرد اسکول آتے بھس کننگ نا کارروائی تیٹی ہم اوارئس۔ مجسٹریٹ نا مون آ اعتراف جرم کننگ آ 5دوبہ غاتا ثابت مننگ آ پاہونا سزا بنفنگاسس۔ قیصر خان ولد حبیب خان تحریک طالبان پاکستان نا متحرک کارندہ اس ئس۔ لس شاری تے نشانہ جوڑ کننگ، تعلیمی ادارہ و مواصلاتی نظام ءِ بھس کننگ اٹی اوار مننگ نا اعتراف ءِ کرے ہراڑآ ٹرائل کورٹ اودے 2دوبہ غاتا ثابت مننگ آ پاہو نا سزا بنفیسس۔
