معذور بندغ آتا ملازمت بحالی طرز انا مسہ بل آتے قائمہ کمیٹی یکجا کرسا منظور کرینے،

اسلام آباد(پاکستان نیوزپوائنٹ 16اگست 2016ء) وزیر مملکت کیڈ ڈاکٹر طارق فضل چوہدری پارینے کہ معذور بندغ آتا ملازمت بحالی طرز انا مسہ بل آتے قائمہ کمیٹی یکجا کرسا منظور کرینے دا مسودہ وزیراعظم آ راہی کرینن، اوڑآ حکومتی باسک طاہرہ اورنگزیب نا ہندن ءُ ہی بل اس موخر کننگا۔ سے شنبے آ قومی اسمبلی ٹی طاہرہ اورنگزیب تحریک پیش کرے کہ معذور بندغ آتا ملازمت بحالی(ترمیمی) بل 2015ء ءِ زیر غور ہتنگے۔ وزیر مملکت ڈاکٹر طارق فضل چوہدری پارینے کہ داوڑ نا مسہ بل آتے کمیٹی ٹی یکجا کرسا منظور کننگانے۔ کمیٹی نا منظور شدہ مسودہ وزیراعظم آ راہی کننگانے۔ بل انا پدی بننگ اسکان دادے موخر کننگے۔