اسلام آباد۔(پاکستان نیوزپوائنٹ 16اگست 2016ء) وزیراعظم محمد نواز شریف پارینے کہ آزاد جموں و کشمیر اٹی گچین کاری عمل نا تسلسل آن جمہوری نظام ءِ خاطر کواہ سوگوی ملانے۔ اوداہیت ءِ آزاد کشمیر نا سبکدوش مروک آ صدر سردار محمد یعقوب تون ہیت وگپ کرسا پارے ہرا سے شنبے آ اوڑتون وزیراعظم ہاؤس اٹی الوداعی اوڑدہی کرے ۔ وزیراعظم صدارتی مدت نا وخت آ ریاستی معاملہ غاتے جوان وڑاٹ انجام تننگ آ سردار یعقوب نا خذمت آتا ستاءِ کرے۔
اوکشمیری الس نا ہندی جہد آجوئی کن حکومت نا کنڈآن پبی اخلاقی، سفارتی و سیاسی مخ تفی فراوان کننگ نا پکا عزم انا اعادہ ءِ کرے۔ اوپارے کہ جہانی برادری ءِ کودک بے گناہ کشمیری تا برخلاف ساڑی آ بھارتی ظلم انا نوٹس ءِ ہلوئی مرے ہرا تینا ناقابل تسنیخ آجوئی نا حق انا دوئی کن بے پناہ قربانی تننگ ءُ۔
