اسلام آباد۔(پاکستان نیوزپوائنٹ 16اگست 2016ء) انسداد دہشت گردی نا خصوصی عدالت نا جج سید کوثر عباس زیدی متحدہ قومی موومنٹ نا راہشون ڈاکٹر عمران فاروق خون کیس اٹی دزگیر 3دوبہ دارآتا جوڈیشل ریمانڈ اٹی پین چانڑدہ دے انا ودکی کرسا سماعت ءِ بیدس کارروائی آن 30 اگست اسکان ملتوی کرے۔ سے شنبے آ انسداد دہشت گردی نا عدالت ڈاکٹر عمران فاروق خون کیس انا سماعت کرے۔
سماعت نا وخت آ دوبہ دار خالد شمیم نا وکیل ذیشان چیمہ ایڈووکیٹ پیش مس واہم معظم علی و محسن علی نا وکیل منصور آفریدی اختہ مننگ نا سوب پیش مننگ کتوس ہرانا سوب عدالت دوبہ دار آتا جوڈیشل ریمانڈ اٹی 30 اگست اسکان ودکی کرسا سماعت ءِ ملتوی کرے۔ بنجائی تحقیقاتی ادارہ (ایف آئی اے) ایم کیو ایم نا سینئر راہشون ڈاکٹر عمران فاروق نا خون ءِ کننگ نا دوبہ ٹی خالد شمیم ، معظم علی و دوبہ دار محسن علی نا برخلاف مقدمہ ءِ درج کرسا کارروائی نا بناءِ کرینے۔
